കോഴിക്കോട്: കട്ടിപ്പാറ കരിഞ്ചോല മലയിലെ ഉരുള്‍പൊട്ടലില്‍ വീടുകള്‍ നഷ്ടപ്പെട്ടവരില്‍ രണ്ട് കുടുംബങ്ങള്‍ക്ക് എം.എസ്.എസ് സംസ്ഥാന കമ്മിറ്റി വീടുകള്‍ നിര്‍മിച്ചുനല്‍കുമെന്ന് ഭാരവാഹികള്‍ അറിയിച്ചു.
ദുരന്തസ്ഥലവും അഭയാര്‍ഥി ക്യാംപും എം.എസ്.എസ് സംസ്ഥാന പ്രസിഡന്റ് സി.പി കുഞ്ഞിമുഹമ്മദ്, ജനറല്‍ സെക്രട്ടറി ടി.കെ അബ്ദുല്‍ കരിം, ട്രഷറര്‍ പി.ടി മൊയ്തീന്‍ കുട്ടി, വൈസ് പ്രസിഡന്റ് എന്‍ജിനീയര്‍ പി. മമ്മത് കോയ, സംസ്ഥാന കമ്മിറ്റി അംഗങ്ങളായ ഡോ.വി.എം അബ്ദു റഹിമാന്‍, കോതൂര്‍ മുഹമ്മദ്, പ്രൊഫ.കെ.വി ഉമര്‍ സന്ദര്‍ശിച്ചു.