കുറ്റ്യാടി: കടുത്ത ചൂടിന് ആശ്വാസമായി കഴിഞ്ഞ ദിവസം പെയ്ത കാറ്റിലും മഴയിലും മരുതോങ്കര പഞ്ചായത്തിന്റെ വിവിധഭാഗങ്ങളില്‍ വ്യാപകനാശം. വീടുകള്‍ക്ക് മുകളില്‍ മരം വീണും വാഴ കൃഷി നശിച്ചുമാണ് നാശനഷ്ടം ഉണ്ടായത്.  കച്ചേരി പൊക്കന്റെ വീടിനു മുകളില്‍ തെങ്ങ് പൊട്ടിവീണ് വീടിന്റെ മേല്‍ക്കൂര പൂര്‍ണ്ണമായും തകര്‍ന്നു.
കച്ചേരിതാഴ കരണ്ടോട് രവീന്ദ്രന്‍, കളരിക്കണ്ടി അന്ത്രു, പത്മനാഭന്‍പരവത്ത്,എന്നിവരുടെ വീടുകള്‍ക്ക് മുകളിലും മരം പൊട്ടി വീണ് വീടുകള്‍ക്ക് നാശം സംഭവിച്ചു. സൂപ്പി മണ്ണൂര്,കണാരന്‍ കൊറ്റോത്തുമ്മല്‍, ചന്ദ്രന്‍ കുനിയില്‍,ബാലകൃഷ്ണന്‍,മാത്യു,മുണ്ടകുറ്റി പുല്ലോംവയലില്‍ ഗോപാലക്കുറുപ്പ് എന്നിവരുടെ ആയിരത്തിലേറെ നേന്ത്ര വാഴകള്‍  കാറ്റില്‍ നിലം പൊത്തി. വ്യാഴാഴ്ച രാത്രി പന്ത്രണ്ട് മണിയോടെയാണ് മേഖലയില്‍ ശക്തമായ കാറ്റുംമഴയും നാശം വിതച്ചത്.