കണ്ണൂര്‍: ആളൊഴിഞ്ഞ വീട്ടില്‍ നിന്ന് പതിനാലംഗ ചൂതാട്ട സംഘത്തെ ടൗണ്‍ എസ്.ഐ ശ്രീജിത്ത് കൊടേരിയും സംഘവും അറസ്റ്റ് ചെയ്തു. കളിക്കളത്തില്‍ നിന്ന് 34000രൂപ പിടിച്ചെടുത്തു. താഴെചൊവ്വ നന്ദിലത്ത് ജീമാര്‍ട്ടിന് പിറകിലെ ആളൊഴിഞ്ഞ വീട്ടില്‍ നിന്ന് കഴിഞ്ഞ ദിവസം രാത്രി 8.30ഓടെയാണ് പിടികൂടിയത്. കാടാച്ചിറ ആഡൂര്‍ പാലം കോണാട്ട് ഹൗസില്‍ എം.സി സനില്‍കുമാര്‍(47), അടൂര്‍ തച്ചന്‍കുന്ന് ഹൗസില്‍ സി.പി പ്രജിത്ത്(39), ആലക്കോട് പാത്തന്‍പാറയിലെ എ. ഹാരിസ്(41), കണ്ണൂര്‍ കടലായി അവേരപ്പറമ്പ് ഹൗസിലെ എം.പി മുസ്തഫ(65),വളപട്ടണം മാര്‍ക്കറ്റ് റോഡിലെ മുഹമ്മദ് റാഫി(43), അഴീക്കോട് സൗത്തിലെ എഡ് വേഡ് ആന്‍ഡ്രൂസ്(68), കാടാച്ചിറ ആഡൂരിലെ ഷമല്‍കുമാര്‍(34), കണ്ണൂര്‍ ടൗണിലെ രഞ്ജന്‍ നാഥന്‍(60), കാടാച്ചിറയിലെ കെ. ശരത്ത് കുമാര്‍(37), ആഡൂരിലെ പി. പവിത്രന്‍ (34), ബാവോട്ടെ പി.എ മുസ്തഫ(48), മാമാക്കുന്നിലെ കെ.വി ചന്ദ്രബാബു(55) എന്നിവരാണ് പിടിയിലായത്.