കോഴിക്കോട്: ഹിന്ദു ഇക്കണോമിക് ഫോറം സംഘടിപ്പിക്കുന്ന നാലാമത് നാഷനല്‍ ബിസിനസ് കോണ്‍ക്ലേവ് 22, 24 തീയതികളില്‍ കോഴിക്കോട് കടവ് റിസോര്‍ട്ടില്‍ നടക്കുമെന്ന് സംഘാടകര്‍ അറിയിച്ചു.
സംഘടനയുടെ അംഗങ്ങളും നവസംരംഭകരുമായി 3000 പ്രതിനിധികള്‍ പങ്കെടുക്കും. അറുപതോളം സ്റ്റാളുകളിലായി ഇന്ത്യയിലെ പ്രമുഖ ബിസിനസുകാര്‍ ഉല്‍പന്നങ്ങള്‍ പ്രദര്‍ശിപ്പിക്കും. 100 കോടി രൂപയുടെ ബിസിനസാണ് കോണ്‍ക്ലേവ് പ്രതീക്ഷിക്കുന്നത്.
വാര്‍ത്താസമ്മേളനത്തില്‍ നാലാമത് ബിസിനസ് കോണ്‍ക്ലേവ് സ്വാഗതസംഘം ചെയര്‍മാന്‍ ആര്‍.ജി. രമേശ്, വര്‍ക്കിങ് ചെയര്‍മാന്‍ പി.ജെ. ഹരികുമാര്‍, ജനറല്‍ കണ്‍വീനര്‍ ടി. റനീഷ് , ജനറല്‍ കോഡിനേറ്റര്‍ ഷൈലേഷ് ഗോപിനാഥ് പങ്കെടുത്തു.