താമരശേരി: രാജ്യത്ത് വര്‍ഗീയതയും ഫാസിസവും നട്ടു വളര്‍ത്താനാണ് നരേന്ദ്ര മോദി ശ്രമിക്കുന്നതെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍ . കേരളത്തില്‍ ഭരണമെന്ന വാഹനത്തിന്റെ ടയര്‍ ഇടക്കിടെ ഊരിക്കൊണ്ടിരിക്കുകയും ഇക്കാരണത്താല്‍ ഡ്രൈവര്‍ പിറകോട്ട് തിരിഞ്ഞിരിക്കേണ്ട അവസ്ഥയാണുള്ളതെന്നും അദ്ദേഹം പറഞ്ഞു.  കൊടുവള്ളി നിയോജക മണ്ഡലം മുസ്‌ലിം യൂത്ത് ലീഗ് പ്രതിനിധി സമ്മേളനത്തിന്റെ രണ്ടാം ദിനത്തില്‍ വിവിധ സെഷനുകളുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. നിയോജക മണ്ഡലം യൂത്ത് ലീഗ് കമ്മിറ്റി ആരംഭിക്കുന്ന സീതി സാഹിബ് പഠന വേദിയുടെ പ്രഖ്യാപനവും തങ്ങള്‍ നിര്‍വഹിച്ചു. നിയോജക മണ്ഡലം യൂത്ത് ലീഗ് വൈസ് പ്രസിഡന്റ് മിഹ്ജഅ് നരിക്കുനി അധ്യക്ഷനായി. താര അബ്ദുറഹിമാന്‍ ഹാജി, പി.എസ് മുഹമ്മദലി, കെ.കെ.എ ഖാദര്‍, പി.വി സാദിഖ്, ഹാജറ കൊല്ലരുകണ്ടി, വി.കെ കുഞ്ഞായിന്‍കുട്ടി മാസ്റ്റര്‍, എന്‍.സി ഹുസയിന്‍ മാസ്റ്റര്‍, പി.സി മുഹമ്മദ് മാസ്റ്റര്‍, പാട്ടത്തില്‍ അബൂബക്കര്‍ ഹാജി, പി.വി. റഷീദ് മാസ്റ്റര്‍, ടി. മൊയ്തീന്‍കോയ, റഫീക്ക് കൂടത്തായി, സി.കെ റസാഖ് മാസ്റ്റര്‍, ഒ.കെ ഇസ്മായില്‍, പി. അനീസ്, നൗഷാദ് പന്നൂര്‍, ഇഖ്ബാല്‍ കത്തറമ്മല്‍, ഷമീര്‍ മോയത്ത്, എ. ജാഫര്‍, വി.സി റിയാസ് ഖാന്‍, കെ.സി ബഷീര്‍, അഷ്‌റഫ് പൂലോട്, യു.പി കരീം, യൂസുഫ് അലി, ഹുസയിന്‍ മങ്ങാട്, കെ.ടി റഊഫ്, പി. അര്‍ഷദ്, എം.ടി അയ്യൂബ് ഖാന്‍, സൈനുദ്ധീന്‍ പുത്തൂര്‍ സംസാരിച്ചു. ഡോ. സുലൈമാന്‍ മെല്‍പ്പത്തൂര്‍, അഡ്വ. എ.വി വാമനകുമാര്‍ എന്നിവര്‍ ക്ലാസെടുത്തു.ഇന്ന് രാവിലെ 6.30ന് റഹ്മത്തുള്ള അല്‍ഖാസിമി മുത്തേടവും, രാവിലെ 8.30ന് നവാസ് പാലേരിയും സംസാരിക്കും.