അല്‍വാര്‍: പശു കടത്തിയെന്നാരോപിച്ച് ക്ഷീര കര്‍ഷകനായ പെഹ്‌ലു ഖാനെ കൊലപ്പെടുത്തിയ ഗോ രക്ഷാ സേനയിലെ ഒരാളെക്കൂടി പിടികൂടി. സംഭവത്തില്‍ സുപ്രിം കോടതി ഇടപെട്ടതിനു പിന്നാലെയാണ് പുതിയ അറസ്റ്റ്. ഇയാളുടെ പേരു വിവരങ്ങള്‍ ലഭ്യമായിട്ടില്ല.

സംഭവത്തില്‍ മൂന്നാഴ്ചക്കകം റിപ്പോര്‍ട്ട് നല്‍കണമെന്നാവശ്യപ്പെട്ട് രാജസ്ഥാന്‍ സര്‍ക്കാരിന് സുപ്രിം കോടതി നോട്ടീസ് നല്‍കിയിരുന്നു. കൂടാതെ മഹാരാഷ്ട്ര, ഗുജറാത്ത്, മധ്യപ്രദേശ്, കര്‍ണാടക, ജാര്‍ഖണ്ഡ് എന്നീ സംസ്ഥാനങ്ങള്‍ക്കും കേന്ദ്ര സര്‍ക്കാരിനും ഗോ രക്ഷാ സേനയെ നിരോധിക്കുന്നതിലെ അഭിപ്രായം ചോദിച്ചും നോട്ടീസ് നല്‍കിയിട്ടുണ്ട്.