എരുമപ്പെട്ടി: മങ്ങാട് മുട്ടിക്കലില്‍ ഒമ്‌നി വാനും ബൈക്കും കൂട്ടിയിടിച്ച് ബൈക്ക് യാത്രക്കാരായ രണ്ട് പേര്‍ക്ക് ഗുരുതരമായി പരുക്കേറ്റു.  മങ്ങാട് മുട്ടിക്കല്‍ അന്‍സല്‍ (21), മങ്ങാട് ചീരമ്പന്‍ ആന്റുവിന്റെ മകന്‍ റിഷി (16) എന്നിവര്‍ക്കാണ് പരുക്കേറ്റത്.
മങ്ങാട് മുട്ടിക്കല്‍ കയറ്റത്തില്‍ റേഷന്‍ കടക്ക് സമീപം ഇന്നലെ ഉച്ചതിരിഞ്ഞ് 2.30 ഓടെയാണ് അപകടം നടന്നത്. ഓട്ടുപാറയില്‍ നിന്ന് കുന്നംകുളത്തേക്ക് പോവുകയായിരുന്ന സ്വകാര്യ മിഠായി കമ്പനിയുടെ ഒമ്‌നി വാന്‍ എതിരേ നിന്നും വന്നിരുന്ന ബജാജ് പള്‍സറുമായി കൂട്ടിയിടിക്കുകയായിരുന്നു.
തലക്ക് ഗുരുതരമായി പരുക്കേറ്റ  അന്‍സലിനേയും റിഷിയേയും  നാട്ടുകാര്‍ തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.