ചവറ: കാറിടിച്ച് കാല്‍നടയാത്രികനായ വയോധികന്‍ മരിച്ചു. പന്മന ചോല പുതുവീട്ടില്‍ പ്രഭാകരന്‍ പിള്ള (85) ആണ് മരിച്ചത്. ഇന്നലെ ഉച്ചയ്ക്കാണ്  സംഭവം. പന്മന ആറുമുറിക്കടയ്ക്ക് സമീപം വച്ചാണ് പത്തനാപുരത്ത് നിന്നും ചവറയിലേക്ക്  വരികയായിരുന്ന ദമ്പതികള്‍ അടങ്ങിയ കുടുംബം  സഞ്ചരിച്ച കാര്‍ ഇടിക്കുന്നത്. ഇടിയെ തുടര്‍ന്ന് തെറിച്ച് ഗ്ലാസിലേക്ക് വീണ വൃദ്ധന്‍ തലയിടിച്ച് റോഡിലേക്ക് വീഴുകയായിരുന്നു.
ഇടിച്ച വാഹനത്തില്‍ തന്നെ കരുനാഗപ്പള്ളിയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. മൃതദേഹം കരുനാഗപ്പള്ളി താലൂക്ക് ആശുപത്രിയില്‍. ഭാര്യ: ഓമന പിള്ള, മക്കള്‍:  വത്സലാകുമാരി, സന്തോഷ് കുമാര്‍, ദീപ. മരുമക്കള്‍: ശ്രീകുമാര്‍, ആശാ റാണി, ശ്രീകുമാര്‍. സംസ്‌കാരം ഇന്ന രാവിലെ 10ന്.