മരട്: സ്‌കൂള്‍ വാന്‍ കുളത്തിലേക്ക് മറിഞ്ഞ് മൂന്ന് കുട്ടികളും ആയയും മരിക്കാനിടയായ സംഭവത്തില്‍ വാന്‍ ഡ്രൈവര്‍ അനില്‍കുമാര്‍ പൊലിസിന് മുന്‍പില്‍ ഹാജരായി. ഇയാളോട് ട്രാഫിക് പൊലിസ് സ്റ്റേഷനില്‍ ഹാജരാകണമെന്ന് കാണിച്ച് സി.ഐ വൈ. നിസാമുദ്ദീന്‍ നോട്ടിസ് നല്‍കിയിരുന്നു. ഇതേ തുടര്‍ന്നാണ് ഇന്നലെ രാവിലെ ഇയാള്‍ സ്റ്റേഷനില്‍ ഹാജരായത്. എന്നാല്‍ ആരോഗ്യസ്ഥിതി മോശമായതിനെ തുടര്‍ന്ന് ഇയാളെ ഉച്ചയ്ക്ക് ശേഷം ചോദ്യം ചെയ്യുന്നതിന് തീരുമാനിച്ചെങ്കിലും സംസാരിക്കാന്‍ ബുദ്ധിമുട്ട് അനുഭവപ്പെട്ടതിനെ തുടര്‍ന്ന് സ്വകാര്യ ആശുപത്രിയിലേക്ക് മാറ്റി. അനില്‍കുമാറിന് കൃത്യമായി സംഭവം വിവരിക്കാന്‍ സാധിക്കുന്ന സമയത്ത് മാത്രമാണ് ചോദ്യം ചെയ്യലും തുടര്‍ നടപടികളും ഉണ്ടാകൂ എന്ന് ട്രാഫിക് സി.ഐ പറഞ്ഞു.