കാസര്‍കോട്: മഹാത്മാക്കള്‍ക്ക് ആദരവും പരിഗണനയും കല്‍പ്പിക്കുന്നത് സച്ചരിതരായ മുന്‍ഗാമികളുടെ മാതൃകയാണെന്നും അത് ശിര്‍ക്കും കുഫ്‌റും ബഹുദൈവ വിശ്വാസവുമായി ചിത്രീകരിക്കുന്ന പുതിയ ചിന്തകള്‍ വിശ്വാസ വ്യതിയാനമാണെന്നും അത്തരം പ്രചാരണങ്ങളില്‍ മുസ്‌ലികള്‍ വഞ്ചിതരാകരുതെന്നും സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ പറഞ്ഞു. സുന്നി യുവജന സംഘം 'പൈതൃകം, നവോത്ഥാനം' എന്ന പേരില്‍ നടത്തുന്ന ദ്വൈമാസ ആദര്‍ശ കാംപയിന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എസ്.വൈ.എസ് സംസ്ഥാന സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങള്‍ അധ്യക്ഷനായി. എം.എ.എച്ച് മഹ്മൂദ് ഹാജി പതായ ഉയര്‍ത്തി. അബ്ദുല്‍ ഹമീദ് ഫൈസി അമ്പലക്കടവ്, അലവി ഫൈസി കുളപ്പറമ്പ്, മൊയ്തീന്‍ ഫൈസി കോണോംപാറ, പി.എ മുഹമ്മദ് ബാഖവി, അലവി ദാരിമി കുഴിമണ്ണ എന്നിവര്‍ വിവിധ വിഷയങ്ങള്‍ അവതരിപ്പിച്ചു.
യു.എം അബ്ദുറഹ്മാന്‍ മൗലവി, എം.എ ഖാസിം മുസ്‌ലിയാര്‍, മെട്രോ മുഹമ്മദ് ഹാജി, ടി.കെ പൂക്കോയ തങ്ങള്‍ ചന്തേര, അബൂബക്കര്‍ സാലൂദ് നിസാമി, ഹാരിസ് ദാരിമി ബെദിര, താജുദ്ദീന്‍ ദാരിമി പടന്ന, ഇബ്രാഹിം ഫൈസി ജെഡിയാര്‍, അലി ഫൈസി, അബ്ദുസലാം ദാരിമി ആലംപാടി, അബ്ബാസ് ഫൈസി പുത്തിഗെ, പി.എസ് ഇബ്രാഹിം ഫൈസി, സയ്യിദ് ഹുസൈന്‍ തങ്ങള്‍, മുഹമ്മദ് കുഞ്ഞി , എം.എ ഖലീല്‍, അഹമദ് ശരീഫ് , അസീസ് അശ്‌റഫി പാണത്തൂര്‍, സയ്യിദ് ഹാദി തങ്ങള്‍, കണ്ണൂര്‍ അബ്ദുല്ല മാസ്റ്റര്‍, മൊയ്തീന്‍ കുഞ്ഞിമൗലവി, എസ്.പി സ്വലാഹുദ്ദീന്‍ ഹാജി, മുബാറക് ഹസൈനാര്‍ ഹാജി, താജുദ്ദീന്‍ ചെമ്പിരിക്ക, യൂനുസ് ഫൈസി , ഖാസിം ദാരിമി മംഗലാപുരം സംബന്ധിച്ചു.