പൂച്ചാക്കല്‍: പരസ്യമായി മദ്യപിച്ച സംഭവത്തില്‍ പെരുമ്പളത്തു നിന്നും എക്‌സൈസിന്റെ പിടിയിലായി രക്ഷപ്പെട്ടയാള്‍ എക്‌സൈസ് ഓഫിസില്‍ കീഴടങ്ങി.
പെരുമ്പളം സ്വദേശി പ്രഹ്ലാദന്‍ അടക്കം നാലുപേരെയാണ് കഴിഞ്ഞ രാത്രി എക്‌സൈസ് പിടികൂടിയത്.പെരുമ്പളത്തു നിന്നും ബോട്ടില്‍ പാണാവള്ളിയില്‍ എത്തുകയും അതേതുടര്‍ന്ന് പ്രഹ്ലാദന്‍ കായലിലേക്കു ചാടുകയുമായിരുന്നു.പിന്നീട് കാണാതായി.
ഉദ്യോഗസ്ഥരും നാട്ടുകാരും ചേര്‍ന്ന് രാത്രി വൈകിയും നടത്തിയ തിരച്ചിലിനൊടുവില്‍ ന്യൂ സൗത്ത് ബോട്ട്‌ജെട്ടിയില്‍ അര്‍ധരാത്രിയോടെ പ്രഹ്ലാദന്‍ നീന്തിക്കയറി.
ഇന്നലെ കുത്തിയതോട് എക്‌സൈസ് റേഞ്ച് ഓഫിസിലെത്തിയാണ് കീഴടങ്ങിയത്.മദ്യലഹരിയില്‍ അറിയാതെ ചെയ്തുപോയതാണെന്നു പ്രഹ്ലാദന്‍ മൊഴി നല്‍കിയെന്നും പെറ്റികേസെടുത്ത് വിട്ടയച്ചെന്നും എക്‌സൈസ് അധികൃതര്‍ പറഞ്ഞു.