ശ്രീകൃഷ്ണപുരം: പി.എം.എ.വൈ (ഗ്രാമീണ്‍ ) പദ്ധതി പ്രകാരമുള്ള ഭവന പദ്ധതിക്ക് താത്പര്യമുള്ള അപേക്ഷകര്‍ക്ക് ജൂണ്‍.20 മുതല്‍ ജൂലായ് 5 വരെ ബ്ലോക്ക് പഞ്ചായത്തില്‍ അപേക്ഷകള്‍ നല്കാവുന്നതാണ്. 2011 ലെ സാമൂഹിക സാമ്പത്തിക ജാതി സെന്‍സസ് അനുസരിച്ച് തയ്യാറാക്കിയ ഭവന രഹിതരുടെ പട്ടികയില്‍ ഉള്‍പ്പെടാത്തവര്‍ക്കും സംസ്ഥാന സര്‍ക്കാറിന്റെ ലൈഫ് പട്ടികയില്‍ ഉള്‍പ്പെടാത്തവര്‍ക്കും അപേക്ഷിക്കാന്‍ അര്‍ഹതയുണ്ട്.നിലവില്‍ വീടില്ലാത്ത കുടുംബങ്ങളെയാണ് പദ്ധതിയില്‍ പരിഗണിക്കുന്നത്. അപേക്ഷാ ഫോറം ബ്ലോക്ക് പഞ്ചായത്തില്‍ നിന്നും ഗ്രാമ പഞ്ചായത്താഫീസില്‍ നിന്നും ലഭിക്കുന്നതാണ്.ലഭ്യമായ അപേക്ഷകള്‍ പി.എം.എ.വൈ (ജി) മാനദണ്ഡങ്ങള്‍ക്കനുസരിച്ച് വി.ഇ.ഒ മാര്‍ നടത്തുന്ന സര്‍വ്വേയിലൂടെ തയ്യാറാക്കുന്ന താത്ക്കാലിക ഗുണഭോക്തൃ പട്ടിക ഗ്രാമസഭയില്‍ സമര്‍പ്പിക്കുന്നതാണ്.തുടര്‍ന്ന് ഗ്രാമപഞ്ചായത്തുകള്‍ അന്തിമ പട്ടിക ആഗസ്റ്റ് 31 ന് മുമ്പായി തയ്യാറാക്കുന്നതാണ്.ഇതു സംബന്ധിച്ച് നടന്ന യോഗത്തില്‍ ബ്ലോക്ക് പ്രസിഡന്റ് പി.അരവിന്ദാക്ഷന്‍ അധ്യക്ഷത വഹിച്ചു.പഞ്ചായത്തു പ്രസിഡന്റുമാരായ കെ.ശ്രീധരന്‍, സി.എന്‍.ഷാജു ശങ്കര്‍, കെ.അംബുജാക്ഷി, ഷീബ പാട്ടത്തൊടി, കെ.മജീദ്, ജ്യോതിവാസന്‍, എ.പി.രാഘവന്‍ സംസാരിച്ചു.