കൊപ്പം: ചെറിയപെരുന്നാള്‍ ദിവസത്തില്‍ വിവിധ പരീക്ഷകളില്‍ മികച്ച വിജയം നേടിയവരെ അവരുടെ വീടുകളിലെത്തി അനുമോദിച്ച് ജനപ്രതിനിധികളായ ദമ്പതിമാര്‍ ഈദ് ആഘോഷം വേറിട്ടതാക്കി. വിളയൂര്‍ ഗ്രാമപഞ്ചായത്ത് മൂന്ന്, നാല് വാര്‍ഡുകളെ പ്രതിനിധീകരിക്കുന്ന സക്കീന, ഭര്‍ത്താവ് ഹുസൈന്‍ കണ്ടേങ്കാവ് എന്നിവരാണ് ഈദാഘോഷം വിജയികള്‍ക്കൊപ്പം നടത്തിയത്. രണ്ടു വാര്‍ഡുകളിലെയും ഉന്നത വിജയികളുടെ വീട്ടിലെത്തി മധുരം നല്‍കി അവരുമായി സന്തോഷം പങ്കിടുകയും എസ്.എസ്.എല്‍.സി, പ്ലസ് ടു എന്നിവയില്‍ മുഴുവന്‍ എ പ്ലസ് നേടിയവര്‍ക്കും വുഷു ചാംപ്യന്‍ ഷിപ്പില്‍ സംസ്ഥാന തലത്തിലെ ജേതാവിനും ഉപഹാരങ്ങളും ദമ്പതികള്‍ കൈമാറി. വിളയൂര്‍ പഞ്ചായത്ത് മുസ്്‌ലിം ലീഗ് ജനറല്‍ സെക്രട്ടറിയാണ് ഹുസൈന്‍ കണ്ടേങ്കാവ്. വനിതാ ലീഗ് പഞ്ചായത്ത് ഭാരവാഹിയാണ് സക്കീന.