വണ്ടിപ്പെരിയാര്‍: എക്‌സൈസ് നടത്തിയ വാഹന പരിശോധനയില്‍ രണ്ട് സംഭവങ്ങളിലായി 100 ഗ്രാം കഞ്ചാവുമായി രണ്ടു പേര്‍ എക്‌സൈസ് പിടിയില്‍.
തിരുവനന്തപുരം വഴുതക്കാട് വള്ളക്കാലില്‍ സനില്‍ സാം ഉമ്മന്‍(38), പീരുമേട് കൊടുവാ രണ്ടാം ഡിവിഷന്‍ എസ്‌റ്റേറ്റില്‍ വിജയന്‍ (24) എന്നിവരെയാണ് വണ്ടിപ്പെരിയാര്‍ എക്‌സൈസ് ഇന്‍സ്‌പെക്ടര്‍ എസ് ഷാജിയുടെ നേതൃത്വത്തിലുള്ള സംഘം പിടികൂടിയത്.  ഇന്നലെ  ദേശീയ പാത 183ലെ മഞ്ചുമല ഭാഗത്ത് എക്‌സൈസ് നടത്തിയ വാഹന പരിശോധനയിലാണ്  പ്രതികളെ പിടികൂടിയത്. കമ്പത്തു നിന്നും സ്വന്തം ഉപയോഗത്തിനാണ് കഞ്ചാവ് കൊണ്ടുവന്നതെന്നാണ് പ്രതികള്‍ നല്‍കിയ മൊഴി. പ്രതി സനില്‍ സാം ഉമ്മന്‍ റഷ്യയില്‍ നിന്നു എം.ബി.ബി.എസ്. നേടിയിട്ടുണ്ടെന്നും എക്‌സൈസിന് നല്‍കിയ മൊഴിയിലുണ്ട്.