റിയാദ്: വിദേശ രാജ്യങ്ങളിലുള്ള പ്രവാസികളുടെ മടക്കയാത്ര ആരംഭിക്കുന്ന വ്യാഴാഴ്ച റിയാദിൽ നിന്നും കരിപ്പൂരിലേക്ക് വിമാന സർവ്വീസ്. വ്യാഴാഴ്ച മുതൽ ഒരാഴ്ചത്തേക്കുള്ള സർവ്വീസുകളുടെ ഷെഡ്യൂളാണ്‌ കേന്ദ്ര വിദേശ കാര്യമന്ത്രാലയം പ്രസിദ്ദീകരിച്ചിരിക്കുന്നത്. ഇതിൽ ശനിയാഴ്ച റിയാദിൽ നിന്നും ഡെൽഹിയിലേക്കാണ്‌ സർവ്വീസുള്ളത്. തിങ്കളാഴ്ച ദമാമിൽ നിന്നും കൊച്ചിയിലേക്കും ഓരോ സർവ്വീസ് വീതം ഉൾപ്പെടുത്തിയിട്ടുണ്ട്.  200 യാത്രക്കാർക്ക് സഞ്ചരിക്കാവുന്ന വിമാനമാണ്‌ സർവ്വീസിനായി ഉപയോഗിക്കുക.  യു.എ.ഇ, ബഹ്റൈൻ, കുവൈത്ത്, ഒമാൻ, ഖത്തർ തുടങ്ങിയ ഗൾഫ് രാജ്യങ്ങളിലേക്കും ഇതെ ആഴ്ചയിൽ വിമാന സർവ്വീസുകളുണ്ട്. ടിക്കറ്റ് നിരക്ക്, വിമാന സമയം എന്നിവ സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.