റിയാദ് :റിയാദ് മലപ്പുറം ജില്ല കെഎംസിസി 'തഹ്‌സീൻ-2020' ഓൺലൈൻ ഇന്റർനാഷണൽ ഖുർആൻ പാരായണ മത്സരം സംഘടിപ്പിക്കുന്നു. കോവിഡ് പശ്ചാത്തലത്തിൽ വിശുദ്ധ റമദാനിലും വീട്ടിലൊതുങ്ങി കർമ്മങ്ങൾ ചെയ്യേണ്ട സാഹചര്യത്തിലാണ് ഖുർആൻ പാരായണ മത്സരം ഓൺലൈനായി സംഘടിപ്പിക്കുന്നത്.  ലോക മലയാളികൾക്ക് വേണ്ടി നടത്തുന്ന മത്സരങ്ങൾ മൂന്ന് വിഭാഗങ്ങളിലായാണ് സംഘടിപ്പിക്കുന്നത്. ജൂനിയർ ആൺകുട്ടികൾ ,ജൂനിയർ പെൺകുട്ടികൾ, പുരുഷന്മാർ എന്നി വിഭാഗങ്ങളിലാണ് മത്സരങ്ങൾ നടക്കുക.  റമദാൻ 12 മുതൽ 20 വരെയാണ് ആദ്യ റൗണ്ട് നടക്കുക.ആദ്യ റൗണ്ടിൽ നിന്നും ഒരു നിശ്ചിത മാർക്ക് ലഭിക്കുന്ന മത്സരാത്ഥികളെ റമദാൻ 23 മുതൽ 25 വരെ ദിവസ്സങ്ങളിൽ ഫൈനൽ റൗണ്ട് സംഘടിപ്പിച്ചു വിജയികളെ കണ്ടെത്തും.  സംഘാടക സമിതി ഭാരവാഹികളായി അലവിക്കുട്ടി ഒളവട്ടൂർ (രക്ഷാധികാരി), സൈതലവി ഫൈസി
(ചെയർമാൻ), മുഹമ്മദ് വേങ്ങര, അസീസ് വെങ്കിട്ട, മുജീബ് ഇരുമ്പുഴി, അഷ്‌റഫ് കൽപകഞ്ചേരി, ഇക്ബാൽ കാവനൂർ (വൈസ് ചെയർമാൻ), ആത്തിഫ് ബുഖാരി (ജനറൽ കൺവീനർ)
ഷാഫി ചിറ്റത്തുപ്പാറ, മുനീർ വാഫി, ഇക്ബാൽ തിരൂർ
(കൺവീനർമാർ), ഷൗക്കത്ത് കടമ്പോട്ട് (കോർഡിനേറ്റർ)  എന്നിവരെ തെരഞ്ഞെടുത്തു.   വിജയികൾക്ക് ക്യാഷ് അവാർഡും പ്രശസ്തി പത്രവും നൽകും.  കൂടുതൽ വിവരങ്ങൾക്ക് 00966591137666, 00966506985998, 009665503852082 എന്നീ നമ്പറുകളിൽ ബന്ധപ്പെടാവുന്നതാണ്.