ലോകകപ്പ് ചരിത്രത്തില്‍ ആദ്യമായി ഒരു ഏഷ്യന്‍ ടീം ലാറ്റനമേരിക്കന്‍ ടീമിനെ പരാജയപ്പെടുത്തി ചരിത്രം കുറിച്ചു. ഇതോടെ ജപ്പാന്റെ വിജയം ഏഷ്യയുടെ കൂടി ചരിത്രമായി.
ഇതിനു മുമ്പ് നടന്ന ലോകകപ്പുകളില്‍ 18 മത്സരങ്ങളിലാണ് ഏഷ്യന്‍ ടീമുകളും ലാറ്റിനമേരിക്കന്‍ ടീമുകളും ഏറ്റുമുട്ടിയിട്ടുള്ളത്. അതില്‍ ഒരു തവണ പോലും ഏഷ്യന്‍ ടീം വിജയിച്ചിരുന്നില്ല. മൂന്ന് മത്സരങ്ങള്‍ സമനിലയില്‍ കലാശിക്കുകയായിരുന്നു. ഇന്നലത്തെ ജയത്തോടെ ഈ ലോകകപ്പിലെ ഏഷ്യന്‍ ടീമിന്റെ രണ്ടാമത്തെ ജയം കൂടിയാണ്. ആദ്യ മത്സരത്തില്‍ ഇറാന്‍ മൊറോക്കോയെ തോല്‍പിച്ചതായിരുന്നു ആദ്യ ജയം. 2014 ലോകകപ്പില്‍ ആദ്യ റൗണ്ട് പൂര്‍ത്തിയായപ്പോള്‍ ഒറ്റ ഏഷ്യന്‍ ടീമും ജയിച്ചിരുന്നില്ല.