ബാവലി: ബാവലി മഖാം ഉറൂസ് ഇന്ന് സമാപിക്കും. ഈമാസം ഏഴുമുതല്‍ വിവിധ പരിപാടികളോടെ നടന്ന ഉറൂസ് ഖത്തം ദൂആയോടെയാണ് സമാപിക്കുക.
സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങളാണ് ദുആക്ക് നേതൃത്വം നല്‍കുന്നത്. പരിപാടിയില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, കേന്ദ്ര മുശാവറ അംഗം വി മൂസക്കോയ മുസ്‌ലിയാര്‍, എസ് മുഹമ്മദ് ദാരിമി സംബന്ധിക്കും.
രാവിലെ 10ന് നടക്കുന്ന സാംസ്‌കാരിക സംഗമം ഒ.ആര്‍ കേളു എം.എല്‍.എ ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ സിദ്ദീഖലി ഫൈസി അധ്യക്ഷനാവും. എസ്.കെ.എസ്.എസ്.എഫ് സംസ്ഥാന സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത്, ബ്ലോക്ക് പഞ്ചായത്തംഗം ഡാനിയല്‍ ജോര്‍ജ്, തിരുനെല്ലി പഞ്ചായത്ത് വൈസ് പ്രസിഡന്റ് പി.വി ബാലകൃഷ്ണന്‍, മാനന്തവാടി എ.എസ്.പി ജെ ജയദേവ് എന്നിവര്‍ സംബന്ധിക്കും. ഉച്ചക്ക് 1.30ന് നടക്കുന്ന അന്നദാനത്തോടെ ഉറൂസിന് സമാപനമാവും.