അഹമ്മദാബാദ്: കൊവിഡ് ബാധിതരുടെ എണ്ണം വര്‍ധിക്കുന്ന സാഹചര്യത്തില്‍ സമ്പൂര്‍ണ ലോക്ക് ഡൗണ്‍ നടപ്പിലാക്കാനൊരുങ്ങി അഹമ്മദാബാദ്. ഇന്ന് അര്‍ധരാത്രി മുതല്‍ ഈ മാസം 15 ന് അര്‍ധരാത്രി വരെ കര്‍ഫ്യൂവിന് സമാനമായ കടുത്ത നിയന്ത്രണങ്ങള്‍ ഏര്‍പ്പെടുത്തി.

പാലും മരുന്നും ഒഴികെയുള്ള ഒരുകടയും തുറക്കാന്‍ അനുമതി ഇല്ല.പച്ചക്കറി, പലചരക്ക്, പഴവര്‍ഗങ്ങള്‍ ഉള്‍പ്പെടെ ഉള്ള കടകളും തുറക്കാന്‍ പാടുള്ളതല്ലെന്ന് അഹമ്മദാബാദ് മുന്‍സിപ്പല്‍ കമ്മിഷണര്‍ അറിയിച്ചു.ഗുജറാത്തിലെ 71 ശതമാനം കൊവിഡ് രോഗികളും അഹമ്മദാബാദിലാണ്. ഇതോടെയാണ് കടുത്ത നടപടികളിലേക്ക് സംസ്ഥാനം കടക്കുന്നത്.