ഷാങ്ഹായ്: ചൈനീസ് ഗ്രാന്‍ഡ് പ്രിക്‌സില്‍ യോഗ്യതാ പരിശീലന പോരാട്ടത്തില്‍ മെഴ്‌സിഡസിന്റെ ലൂയിസ് ഹാമിള്‍ട്ടന് ജയം. കടുത്ത എതിരാളി സെബാസ്റ്റ്യന്‍ വെറ്റലിനെ ഇഞ്ചോടിഞ്ച് പോരാട്ടത്തില്‍ 0.186 സെക്കന്‍ഡിന് പിന്തള്ളിയാണ് ഹാമിള്‍ട്ടന്‍ ജയം സ്വന്തമാക്കിയത്. അതേസമയം മെഴ്‌സിസഡിന്റെ വാള്‍ട്ടേരി ബോട്ടാസിനെ പിന്തള്ളാന്‍ വെറ്റലിന് സാധിച്ചു. ഫെരാരിയുടെ കിം റൈക്കോണന്‍ ആദ്യ നാലില്‍ ഇടംപിടിച്ചിട്ടുണ്ട്. എന്നാല്‍ എന്‍ജിന്‍ തകരാറിനെ തുടര്‍ന്ന് ആസ്‌ത്രേലിയയുടെ മാക്‌സ് വെര്‍സ്റ്റാപന് 19ാം സ്ഥാനത്ത് ഫിനിഷ് ചെയ്യാനേ സാധിച്ചുള്ളൂ.