കല്‍പ്പറ്റ: കോഫിബോര്‍ഡില്‍ നിന്നും കര്‍ഷകര്‍ക്കും വിദ്യാര്‍ഥികള്‍ക്കും മറ്റും നല്‍കികൊണ്ടിരിക്കുന്ന സബ്‌സിഡികളും സ്‌കോളര്‍ഷിപ്പുകളും പുനസ്ഥാപിക്കാനുള്ള നടപടികള്‍ സ്വീകരിക്കണം. കൂടാതെ നെല്‍കര്‍ഷകരുടെ മുഴുവന്ഡ കൃഷി ചെലവുകളും സര്‍ക്കാര്‍ സബ്‌സിഡിയായി കര്‍ഷകര്‍ക്ക് അനുവദിച്ച് നല്‍കണമെന്നും ജനാധിപത്യ കേരളാ കോണ്‍ഗ്രസ് ജില്ലാ കമ്മിറ്റി ആവശ്യപ്പെട്ടു. ജില്ലാ പ്രസിഡന്റ് കെ.എ ആന്റണി അധ്യക്ഷനായി. അഡ്വ. ജോര്‍ജ് വാത്തുപറമ്പില്‍, വില്‍സണ്‍ നെടുങ്കൊമ്പില്‍, വി.എസ് ചാക്കോ, ജോര്‍ജ് ഈരാശ്ശേരി, അഡ്വ. കെ.ടി ജോര്‍ജ്, കെ.എം ജോസഫ്, ലോറന്‍സ്, സജി ജോസഫ്, പീറ്റര്‍, കുര്യാക്കോസ്, കെ.എം അബ്രഹാം, ജോസ്, കുര്യന്‍, കമല്‍ ജോസഫ്, ടി.പി കുര്യാക്കോസ്, ജോയി, ബിജു സംസാരിച്ചു.