തിരുവനന്തപുരം: പൊലിസുകാരെക്കൊണ്ട് ദാസ്യപ്പണി നടത്തിയാല്‍ എത്ര ഉന്നതരായാലും കര്‍ശന നടപടിയുണ്ടാകുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ന്‍.

പൊലിസിനെ നിയമിക്കുന്നത് പ. എസ് സിയാണെന്ന ബോധ്യമുണ്ടായിരിക്കുന്നത് സേനയിലുള്ളവര്‍ക്ക് നല്ലതാണ്. ഇപ്പോള്‍ ദാസ്യപ്പണിയുടെ വിവരം പുറത്തുവന്നത് ആ ബോധ്യമുള്ളതിനാലാണ്. പി എസ് സി നിയമിക്കുന്ന പൊലിസിന് ദാസ്യപ്പണി ചെയ്യേണ്ട കാര്യമില്ല. സംസ്ഥാനത്തെ പൊലിസ്, കേരള സംസ്‌കാരത്തിന് അനുസരിച്ച് പ്രവര്‍ത്തിക്കണം. ഇതര സംസ്ഥാനങ്ങളില്‍ പൊലിസിനെക്കൊണ്ട് ദാസ്യപണി ചെയ്യിക്കുന്നുണ്ട്. അതാവരുത് നമ്മുടെ മാതൃക.

കേരളത്തില്‍ അപൂര്‍വം ഓഫീസര്‍മാരെക്കുറിച്ചാണ് പരാതി ഉയര്‍ന്നിട്ടുള്ളത്. എല്‍.ഡി.എഫ് സര്‍ക്കാര്‍ ഒരു കാരണവശാലും ഇത്തരം ഫ്യൂഡല്‍ രീതികള്‍ അനുവദിക്കില്ല പഴയ കാലത്ത് ഓര്‍ഡര്‍ലി സമ്പ്രദായമുണ്ടായിരുന്നു. അത് നിരോധിച്ചു. എംപ്ലോയ്‌മെന്റ് എക്‌സ്‌ചേഞ്ചു വഴി നിയമിച്ച പൊലിസുകാരെ മുന്‍കാലങ്ങളില്‍ ഇത്തരം പണികളെടുപ്പിച്ചിരുന്നു. അതൊക്കെ ഈ സംസ്ഥാനം വേണ്ടെന്ന് വെച്ചതാണ്.

1980 മുതല്‍ പി എസ് സി വഴിയാണ് പൊലിസ് നിയമനം. പൊലിസില്‍ നിയമനം ലഭിച്ച ഒരാളും ഒരു തരത്തിലുള്ള വീട്ടുവേലയും ഓഫീസര്‍മാര്‍ക്കുവേണ്ടി ചെയ്യേണ്ടതില്ല. ഇതര സംസ്ഥാനങ്ങളില്‍ നിന്നുള്ള ഐ പി എസുകാര്‍ കേരളത്തിന്റെ സംസ്‌കാരത്തിന് അനുസരിച്ച് മാറാന്‍ ശ്രമിക്കണമെന്നും കോടിയേരി പറഞ്ഞു.