വെള്ളറട: കഴിഞ്ഞ ദിവസം പെയ്ത വേനല്‍മഴയില്‍ വെള്ളറട മേഖലയില്‍ വ്യാപക നാശനഷ്ടം. മരങ്ങള്‍ കടപുഴകി വീണ് നിരവധി വീടുകള്‍ തകര്‍ന്നു. നൂറുകണക്കിന് വാഴകള്‍ നിലംപൊത്തി. വൈദ്യുതി പോസ്റ്റുകള്‍ മറിഞ്ഞത് മേഖലയിലെ വൈദ്യുതി വിതരണത്തെ താറുമാറാക്കി.  
  മണത്തോട്ടം കുന്നിന്‍പുറം  സ്വദേശികളായ  പൊന്നമ്പി സജീന്ദ്രന്‍, നങ്കരാജ്,  മാഹീന്‍, പ്രഭ,  റസിലമ്മ, മണിയന്‍, ചെമ്മണ്ണ് വിള സജന്‍, സുജാത, ലാലു, കൃഷ്ണന്‍, റോബിന്‍സണ്‍, ശ്രീകണ്ഠന്‍ എന്നിവരുടെ വീടുകളാണ് തകര്‍ന്നത്.
കളത്തറ ഡോളിയുടെയും മണത്തോട്ടം കുന്നിന്‍പുറം കൃഷ്ണന്റെയും നൂറുകണക്കിന് വാഴകള്‍ നിലംപൊത്തി. അധികവും കുലക്കാറായ വാഴകളാണ് നശിച്ചത്. പോസ്റ്റുകള്‍ മറിഞ്ഞതിനെ  തുടര്‍ന്ന് താറുമാറായ   വൈദ്യുതി ബന്ധം പുന സ്ഥാപിക്കാന്‍ ദിവസങ്ങള്‍ വേണ്ടി വരുമെന്ന്  കെ.എസ്.ഇ.ബി അധികൃതര്‍  അറിയ്ചചു.