ഈരാറ്റുപേട്ട: പണ്ഡിതനും ഇമാംസ് കൗണ്‍സില്‍ സംസ്ഥാന പ്രസിഡന്റുമായ മൗലാന മുഹമ്മദ് ഈസാ ഫാദില്‍ മമ്പഈ (81) അന്തരിച്ചു. ഈരാറ്റുപേട്ട അല്‍ ജാമിഅത്തുല്‍ ഫൗസിയ ട്രസ്റ്റ് ചെയര്‍മാനായും ഫൗസിയ കോളജ് ഓഫ് ആര്‍ട്‌സ് ആന്‍ഡ് ഇസ്‌ലാമിക് സ്റ്റഡീസ് പ്രിന്‍സിപ്പലായും പ്രവര്‍ത്തിച്ചുവരികയായിരുന്നു. ദക്ഷിണ കേരള ഇസ്‌ലാം മത വിദ്യാഭ്യാസ ബോര്‍ഡ് ചെയര്‍മാനായി മുപ്പതു വര്‍ഷത്തോളം സേവനമനുഷ്ഠിച്ചിരുന്നു. മന്നാനിയ അറബിക് കോളജ് വര്‍ക്കല, ഹസനിയ അറബിക് കോളജ് കായംകുളം, നൂറുല്‍ ഹുദ അറബിക് കോളജ് കാഞ്ഞിരപ്പള്ളി, മുനവ്വിറുല്‍ ഇസ്‌ലാം അറബിക് കോളജ് കാരിക്കോട്, പുത്തന്‍പള്ളി അറബി കോളജ് ഈരാറ്റുപേട്ട എന്നിവിടങ്ങളില്‍ പ്രിന്‍സിപ്പലായും സേവനമനുഷ്ഠിച്ചിട്ടുണ്ട്.

ഭാര്യ: ജമീല. മക്കള്‍: അബ്ദുനൂര്‍ മൗലവി (ഇമാം, വെട്ടം തീണ്ടാപ്പടി ജുമാമസ്ജിദ്), അമീന്‍ മൗലവി അല്‍ ഹസനി (ഇമാം, ജബലുന്നൂര്‍ ജുമാമസ്ജിദ്, തേവരുപാറ), മുഹമ്മദ് ഉനൈസ് മൗലവി (ഇമാം, മസ്ജിദുല്‍ ഹുദ, നടയ്ക്കല്‍), മുഹമ്മദ് അര്‍ഷദ് (ബിസിനസ്), മുഹമ്മദ് അന്‍വര്‍ അബ്‌റാരി (ഇമാം, അറഫ ജുമാമസ്ജിദ്, ചക്കരപറമ്പ്), മുഹമ്മദ് അന്‍സര്‍ ഫാറൂഖി (അധ്യാപകന്‍, ഗൈഡന്‍സ് പബ്ലിക് സ്‌കൂള്‍, ഈരാറ്റുപേട്ട) റുഷ്ദ.
മരുമക്കള്‍: ഡി.എം മുഹമ്മദ് മൗലവി (ചെയര്‍മാന്‍, മജ്‌ലിസുല്‍ അബറാര്‍ വടുതല) ബുഷ്‌റ, നസീറ, താഹിറ , ഫാത്വിമ, ഹഫ്‌സ, ഹസീന. ഈരാറ്റുപേട്ട പുത്തന്‍പള്ളി ഇമാം മുഹമ്മദ് നദീര്‍ മൗലവി, അബ്ദുറഷീദ് മൗലവി കരുനാഗപ്പള്ളി എന്നിവര്‍ സഹോദരങ്ങളാണ്. ഈരാറ്റുപേട്ട പുത്തന്‍പള്ളി ജുമാമസ്ജിദ് ഖബര്‍സ്ഥാനില്‍ മയ്യിത്ത് ഖബറടക്കി.