കണ്ണൂര്‍: കോട്ടണ്‍ നൂലുകളുടെ വില വര്‍ധിച്ചുവരുന്ന സാഹചര്യത്തില്‍ സംസ്ഥാനസര്‍ക്കാര്‍ സബ്‌സിഡി വര്‍ധിപ്പിക്കണമെന്ന് ഹാന്റ്‌ലൂം സംഘടിപ്പിച്ച ഉപഭോക്താക്കളുടെയും വിതരണക്കാരുടെയും മീറ്റ്. പല നൂലുകളും വിലകുറഞ്ഞ രീതിയില്‍ ഉപഭോക്താക്കള്‍ക്ക് ലഭിക്കാനുള്ള സാഹചര്യമൊരുക്കണമെന്നും യോഗം ആവശ്യപ്പെട്ടു. കണ്ണൂര്‍ ചേമ്പര്‍ ഹാളില്‍ ഹാന്റ്‌ലൂം ടെക്‌സ്‌റ്റൈല്‍സ് ഡയരക്ടര്‍ കെ സുധിര്‍ ഉദ്ഘാടനം ചെയ്തു. സി.വി ശബരിദാസ് അധ്യക്ഷനായി. അരുണ്‍കുമാര്‍ പാണ്ടു, രമേഷ് ബാബു, എസ് രാജ്കുമാര്‍, പി ബാലന്‍, ബാരപദ്ര സംബന്ധിച്ചു. ഇടനിലക്കാരില്ലാതെ വില കുറച്ച് നൂലുല്‍പന്നങ്ങള്‍ ഉപഭോക്താക്കള്‍ക്ക് എത്തിച്ചു നല്‍കാനാണ് സംഗമം സംഘടിപ്പിച്ചത്.