തിരൂരങ്ങാടി: ചെറുമുക്ക് പി.എം.എസ്.എ.എം.എം.യു.പി സകൂളിന്റെ നാല്‍പത്തി ഒന്നാം വാര്‍ഷികവും അധ്യാപകര്‍ക്കുള്ള സമ്മേളനവും സ്‌കൂളില്‍ നിന്ന് വിരമിക്കുന്ന അധ്യാപകര്‍ക്കുളള ഉപഹാര സമര്‍പ്പണവും പി .കെ അബ്ദുറബ്ബ് എം.എല്‍.എ നിര്‍വഹിച്ചു.
പി.ടി.എ പ്രസിഡന്റ്  നീലങ്ങത്ത് അബ്ദുസലാം  അധ്യക്ഷനായി. എം. പി. മുഹമ്മദ് ഹസ്സന്‍, ഫാത്തിമ കാവുങ്ങല്‍, ടി. ടി. ഹംസ, മുജീബ് മാസ്റ്റര്‍, സൈതലവി ഊര്‍പ്പായി, ആസിയ തോറാമ്പില്‍, ഒള്ളക്കന്‍ സുഹറ, കെ.വി. ഹസീന ,  മദാരി അബ്ദുറഹ്മാന്‍ കുട്ടി ഹാജി , കെ.ടി അബൂബക്കര്‍, ഇ.പി സൈതലവി, വി .പി മൂസ,  മുസ്തഫ ചെറുമുക്ക്, ടി . മഹ്‌റൂഫ്, കെ .റഹിം,  വി അഹമ്മദ്കുട്ടി സംസാരിച്ചു. മൂന്നു പതിറ്റാണ്ടുകാലത്തെ സേവനത്തിനുശേഷം സര്‍വിസില്‍ നിന്ന് വിരമിക്കുന്ന പ്രധാനാധ്യാപിക  ഗിരിജ, കെ. പി നാരായണന്‍ മാസ്റ്റര്‍, ടി.വിജയന്‍ മാസ്റ്റര്‍ എന്നിവര്‍ക്ക്  യാത്രയയപ്പ് നല്‍കി.