മെക്‌സിക്കോ സിറ്റി: കൊവിഡ് വ്യാപനം തുടരുന്നതിനിടെ മെക്‌സിക്കോയില്‍ ആരോഗ്യപ്രവര്‍ത്തകര്‍ക്കുനേരെ വീണ്ടും ആക്രമണം.
കൊവിഡ് പ്രതിരോധ ഡ്യൂട്ടിയിലുണ്ടായിരുന്ന മൂന്നു നഴ്‌സുമാര്‍ കൊല്ലപ്പെട്ടു. ഇവര്‍ മൂന്നുപേരും സഹോദരിമാരാണ്. കോയ്‌ലയിലാണ് ഇവരെ കൊല്ലപ്പെട്ട നിലയില്‍ കണ്ടെത്തിയത്. എന്നാല്‍, കൊലപാതകത്തിന്റെ കാരണം വ്യക്തമല്ലെന്നാണ് അധികൃതര്‍ വിശദീകരിക്കുന്നത്.
സംഭവത്തില്‍ അന്വേഷണം ആരംഭിച്ചിട്ടുണ്ട്. മെക്‌സിക്കോയില്‍ കൊവിഡ് ഡ്യൂട്ടിയിലുള്ള ആരോഗ്യപ്രവര്‍ത്തകര്‍ക്കുനേരെ നേരത്തേതന്നെ ആക്രമണങ്ങള്‍ നടക്കുന്നതായി ആരോപണമുയര്‍ന്നിരുന്നു.