റായ്പുര്‍: ഛത്തീസ്ഗഡില്‍ പൊലിസും നക്‌സലുകളും തമ്മില്‍ നടന്ന ഏറ്റുമുട്ടലില്‍ ഒരു പൊലിസ് സബ് ഇന്‍സ്‌പെക്ടറും നാലു നക്‌സലുകളും കൊല്ലപ്പെട്ടു.
വെള്ളിയാഴ്ച രാത്രി രാജ്‌നന്ദ്‌ഗോണിലായിരുന്നു ഏറ്റുമുട്ടല്‍. 28 അംഗ പൊലിസ് സേന നക്‌സലുകള്‍ക്കു വേണ്ടി തിരച്ചില്‍ നടത്തുന്നതിനിടെ മാന്‍പുരില്‍ വച്ച് ഇരു വിഭാഗവും മുഖാമുഖം വരികയായിരുന്നു. നക്‌സലുകള്‍ തമ്പടിച്ചിട്ടുണ്ടെന്ന രഹസ്യവിവരത്തെ തുടര്‍ന്ന് അവിടേക്കു പോയ പൊലിസ് സംഘം രാത്രി 9.30ഓടെയാണ് നക്‌സലുകളുമായി ഏറ്റുമുട്ടിയത്. മദന്‍വാദ സബ് ഇന്‍സ്‌പെക്ടര്‍ ശ്യാം കിഷോര്‍ ശര്‍മയാണ് കൊല്ലപ്പെട്ട പൊലിസുകാരന്‍. ഒരു എ.കെ 47 തോക്ക് ഉള്‍പ്പെടെ മാരകായുധങ്ങള്‍ പൊലിസ് പിടിച്ചെടുത്തു.