വടകര: ചോമ്പാല്‍ കാപ്പുഴക്കല്‍ ബീച്ചില്‍ 21, 22, 23 തിയതികളില്‍ 'നിറതീരം' ദേശീയ ചിത്രകല ക്യാംപ് നടക്കും. ബ്ലോക്ക് പഞ്ചായത്ത് ആര്‍ട്ട് ഗാലറി, കടത്തനാട് ചിത്രകലാ പരിഷത്ത് എന്നിവയുടെ ആഭിമുഖ്യത്തിലാണ് ക്യാംപ് സംഘടിപ്പിക്കുന്നത്. വിവിധ സംസ്ഥാനങ്ങളില്‍ നിന്നുള്ള ചിത്രകലാകാരന്മാര്‍ പങ്കെടുക്കും. 21ന് രാവിലെ ശില്‍പി വത്സന്‍ കൂര്‍മ കൊല്ലേരി ഉദ്ഘാടനം ചെയ്യും. പ്രശസ്ത മണല്‍ ശില്‍പ നിര്‍മാണ വിദഗ്ധന്‍ ഭുവനേശ്വറിലെ ഹിമാനുല്‍സു ശേഖറിന്റെ നേതൃത്വത്തില്‍ മണല്‍ ശില്‍പ നിര്‍മാണം നടത്താനും സംഘാടക സമിതി തീരുമാനിച്ചു. സദു അലിയൂരാണ് ക്യാംപ് ഡയറക്ടര്‍. യോഗത്തില്‍ അഴിയൂര്‍ പഞ്ചായത്ത് പ്രസിഡന്റ് ഇ.ടി അയ്യൂബ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് കോട്ടയില്‍ രാധാകൃഷ്ണന്‍, ജില്ലാ പഞ്ചായത്തഗം എ.ടി ശ്രീധരന്‍, പ്രദീപ് ചോമ്പാല, ജഗദീഷ് പാലയാട്, ശ്രീശന്‍ ചോമ്പാല, പി. രമേശന്‍ സംസാരിച്ചു.