മലപ്പുറം: മൂന്നാം സീറ്റുവേണമെന്ന മുസ്‌ലിം ലീഗിന്റെ ആവശ്യം അടഞ്ഞ അധ്യായമല്ലെന്നും തുടര്‍ ചര്‍ച്ചകള്‍ക്ക് ഇനിയും സാധ്യതയുണ്ടെന്നും പി.കെ കുഞ്ഞാലിക്കുട്ടി.

മലപ്പുറത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം. യു.ഡി.എഫ് നേതാക്കളുമായി ഇനിയും ചര്‍ച്ച തുടരും. ശനിയാഴ്ച പാര്‍ട്ടി പ്രവര്‍ത്തക സമിതി ചേരുന്നുണ്ട്. അതിനുശേഷം സ്ഥാനാര്‍ഥി നിര്‍ണയത്തില്‍ പ്രഖ്യാപനമുണ്ടാകുമെന്നും അപ്പോള്‍ ചിത്രം വ്യക്തമാകുമെന്നും അദ്ദേഹം കൂട്ടിച്ചേര്‍ത്തു.