ഊട്ടി: കരടി ശല്യം രൂക്ഷമാകുന്ന കോത്തഗിരിയിലും പരിസര പ്രദേശങ്ങളിലും ജനജീവിതം ദുസഹമാകുന്നു. കഴിഞ്ഞ ദിവസവും ജനവാസ കേന്ദ്രത്തിന് സമീപം കരടിയുടെ ആക്രമണത്തില്‍ യുവാവിന് പരുക്കേറ്റു. കോത്തഗിരിക്ക് സമീപം സോളൂര്‍ മട്ടം പുതിയ കോളനി സ്വദേശി ബദ്രന്‍ (25)നാണ് പരുക്കേറ്റത്. പാതയോരത്ത് നിന്നിരുന്ന കരടിയേയും കുട്ടികളേയും കണ്ട് ഓടുന്നതിനിടെ ബദ്രനെ കരടി പിന്തുടര്‍ന്ന് ആക്രമിക്കുകയായിരുന്നു. കോത്തഗിരി സര്‍ക്കാര്‍ ആശുപത്രിയില്‍ പ്രവേശിപ്പിച്ചു.