തിരുവനന്തപുരം: സംസ്ഥാന പൊലിസ് തലപ്പത്ത് അഴിച്ചുപണി. ദക്ഷിണ മേഖലാ എ.ഡി.ജി.പിയായി മനോജ് എബ്രഹാമിനെയും ഉത്തര മേഖലാ എ.ഡി.ജി.പി യായി ഷേയഖ് ദര്‍ബേഷ് സാഹിബിനെയും നിയമിച്ചു.

ക്രൈം റെക്കോഡ്‌സ് ബ്യൂറോ എ.ഡി.ജി.പിയായിരുന്ന ടോമിന്‍ ജെ. തച്ചങ്കരിയെ കോസ്റ്റല്‍ സെക്യൂരിറ്റി എ.ഡി.ജി.പിയായി നിയമിച്ചു. പകരം എ.ഡി.ജി.പി കെ. പദ്മകുമാറിനെ ക്രൈം റെക്കോഡ്‌സ് ബ്യൂറോയില്‍ നിയമിച്ചു.

എം.ആര്‍ അജിത് കുമാര്‍ കണ്ണൂര്‍ ഐജിയായും, ബല്‍റാം കുമാര്‍ ഉപാധ്യയയെ തൃശ്ശൂര്‍ ഐജിയായും നിയമിതനായി. തിരുവനന്തപുരം സിറ്റി പൊലീസ് കമ്മീഷണറായിരുന്ന എസ് സുരേന്ദ്രനെ കൊച്ചി സിറ്റി പൊലിസ് കമ്മീഷണറായി നിയമിച്ചു. സഞ്ജയ് കുമാര്‍ ഗുരുഡിനെ തിരുവനന്തപുരം സിറ്റി പൊലിസ് കമ്മീഷണറായും മാറ്റിയിട്ടുണ്ട്.