പുതുക്കാട് : കുട്ടനെല്ലൂരില്‍ ദേശീയപാതയോരത്തെ പാടത്ത് ശുചിമുറി മാലിന്യം തള്ളാനെത്തിയ ലോറി നാട്ടുകാര്‍ തല്ലിതകര്‍ത്തു.
ഇന്നലെ പുലര്‍ച്ചെയായിരുന്നു സംഭവം. പാടത്തേക്കു മാലിന്യം തള്ളുന്നതിനിടെ ദേശീയപാത അതോറിറ്റിയുടെ പട്രോളിങ് സംഘത്തെ കണ്ടു രക്ഷപ്പെടാന്‍ ശ്രമിക്കുകയായിരുന്നു. ഇതിനിടെ കുഞ്ഞനംപാറയില്‍ വാഹനം ഉപേക്ഷിച്ച് ജീവനക്കാര്‍ രക്ഷപ്പെടുക്കയായിരുന്നു. സംഭവമറിഞ്ഞെത്തിയ നാട്ടുകാര്‍ വാഹനം തല്ലിതകര്‍ത്തു.ഒല്ലൂര്‍ പൊലുസും പുത്തൂര്‍, നെന്‍മണിക്കര പഞ്ചായത്തംഗങ്ങളും സ്ഥലത്തെത്തി.
സംഭവത്തില്‍ പഞ്ചായത്ത് രാജ് നിയമപ്രകാരം കേസെടുത്തു വാഹനം കണ്ടുകെട്ടണമെന്ന് നാട്ടുകാര്‍ ആവശ്യപ്പെട്ടു.