ഹൈദരാബാദ് : മോഷണത്തിനിടയില്‍ കൊലപാതക പരമ്പരകള്‍ നടത്തി കുപ്രസിദ്ധനായ മുഹമ്മദ് യൂസഫ് എന്ന പാഷയെ പൊലിസ് അറസ്റ്റ് ചെയ്തു.
16ാം വയസിലാണ് ആദ്യത്തെ കൊലപാതകം നടത്തിയത്. ഇപ്പോള്‍ 32 വയസായ ഇയാള്‍ ഇതിനിടയില്‍ 12 പേരെ കൊലചെയ്തുവെന്ന് പൊലിസ് പറയുന്നു. മെഹബൂബ്‌നഗര്‍ ജില്ലയിലെ നവാബ്‌പെട്ട് മണ്ഡലില്‍ ഒരു സ്‌കൂള്‍ ജീവനക്കാരനെ കൊലപ്പെടുത്തിയ സംഭവവുമായി ബന്ധപ്പെട്ട് പൊലിസ് നടത്തിയ അന്വേഷണത്തിനിടയിലാണ് ഇയാള്‍ അറസ്റ്റിലായത്. ചോദ്യം ചെയ്യലിലാണ് 12 പേരെ കൊലപ്പെടുത്തിയ വിവരം ഇയാള്‍ വെളിപ്പെടുത്തിയത്.