കൊണ്ടോട്ടി: ബഹ്‌റൈനില്‍നിന്ന് പ്രവാസികളുമായി കരിപ്പൂരിലെത്തിയ വിമാനത്തില്‍ കൂടുതല്‍ കോഴിക്കോട്, കണ്ണൂര്‍ സ്വദേശികള്‍.ഇന്നലെ രാത്രി 11.20ന് എത്തുമെന്ന അറിയിച്ച വിമാനം ബഹ്‌റൈനില്‍നിന്ന് പുറപ്പെടനാന്‍ വൈകിയതിനാല്‍ രാത്രി 12.30 നാണ് വന്നെത്തിയത്.
എയര്‍ ഇന്ത്യ എക്‌സ്പ്രസ് വിമാനത്തില്‍ ഒരു ഗോവ സ്വദേശി ഉള്‍പ്പടെ 184 യാത്രക്കാരാണുണ്ടായിരുന്നത്.സംസ്ഥാനത്തെ 10 ജില്ലകളിലേക്കുള്ളവരായിരുന്നു 183 യാത്രക്കാര്‍. ഇവരില്‍ 67 പേര്‍ കോഴിക്കോട് ജില്ലക്കാരായിരുന്നു. കണ്ണൂരിലേക്കുളളവര്‍ 51 പേരുണ്ടായിരുന്നു. മലപ്പുറം- 27, എറണാകുളം- ഒന്ന്, കാസര്‍കോഡ് -18, കൊല്ലം- ഒന്ന്, പാലക്കാട് -ഏഴ്, പത്തനംതിട്ട- ഒന്ന്,തൃശൂര്‍- അഞ്ച്, വയനാട് - അഞ്ച്.സംഘത്തില്‍ 24 ഗര്‍ഭിണികളും പത്ത് വയസിനുതാഴെ പ്രായമുള്ള 35 കുട്ടികളും 65 വയസിനു മുകളില്‍ പ്രായമുള്ള ആറ് യാത്രക്കാരുമുണ്ടായിരുന്നു.