കല്‍പ്പറ്റ: അയല്‍ സംസ്ഥാനങ്ങളില്‍ നിന്നു മുത്തങ്ങ ചെക്ക്‌പോസ്റ്റ് വഴി ഇന്നു മുതല്‍ ദിവസേന 800 പേരെ പ്രവേശിപ്പിക്കും. ഇതിനായി പരിശോധന കേന്ദ്രത്തില്‍ കൂടുതല്‍ സജ്ജീകരണങ്ങള്‍ ഒരുക്കി. അതിര്‍ത്തി വഴി എത്തുന്നവരുടെ പ്രവേശന നടപടികള്‍ എളുപ്പമാക്കാന്‍ ആറ് പുതിയ കൗണ്ടറുകള്‍ കൂടി സ്ഥാപിച്ചിട്ടുണ്ട്. നിലവില്‍ നാനൂറ് പേര്‍ക്കാണ് പ്രവേശനം നല്‍കുന്നത്. യാത്രപാസിന്റെ സമയപരിധി കഴിഞ്ഞവര്‍ക്ക് വീണ്ടും പുതുക്കുന്നതിന് വെബ്‌സൈറ്റില്‍ ക്രമീകരണം വരുത്തിയതായും അയല്‍ സംസ്ഥാനത്തുനിന്നും വിദേശത്ത് നിന്നും എത്തുന്നവര്‍ ആരോഗ്യസേതു അപ്പ് നിര്‍ബന്ധമായും ഡൗണ്‍ലോഡ് ചെയ്യണമെന്നും കലക്ടര്‍ ഡോ. അദീല അബ്ദുല്ല അറിയിച്ചു.