കൊച്ചി: മാലദ്വീപില്‍ കുടുങ്ങിയ പ്രവാസികളെയും കൊണ്ടുള്ള രണ്ടാമത്തെ നാവിക കപ്പല്‍ ഐ.എന്‍.എസ് മഗര്‍ ഇന്ന് കൊച്ചി തുറമുഖത്തെത്തും. താരതമ്യേന ചെറിയ കപ്പലായ മഗറില്‍ 202 പ്രവാസികളാണുണ്ടാവുക. രാത്രി ഏഴുമണിയോടെ കൊച്ചിയില്‍ എത്തുമെന്നാണ് അറിയിച്ചിരിക്കുന്നത്. 202 പേരില്‍ 24 പേര്‍ സ്ത്രീകളാണ്. രണ്ട് ഗര്‍ഭിണികളും രണ്ടു കുട്ടികളും സംഘത്തിലുണ്ട്. വിദേശത്തുള്ള ഇന്ത്യക്കാരെ ഒഴിപ്പിച്ചു കൊണ്ടുവരാനായി ആവിഷ്‌കരിച്ച വന്ദേഭാരത് ദൗത്യവുമായി ബന്ധപ്പെടുത്തി നാവിക സേന ആരംഭിച്ചതാണ് ഓപ്പറേഷന്‍ സമുദ്ര സേതു. ഇതനുസരിച്ച്മാല ദ്വീപില്‍ നിന്നുള്ള ആദ്യകപ്പല്‍ ഐ.എന്‍.എസ് ജലാശ്വ കഴിഞ്ഞ ദിവസം 698 പ്രവാസികളെ കൊച്ചിയിലെത്തിച്ചിരുന്നു.