കല്‍പ്പറ്റ: 26, 27 തീയതികളില്‍ ഉമ്മത്തിന്റെ കരുത്തിന് എന്ന പ്രമേയത്തില്‍ തൃശൂര്‍ ദേശമംഗലത്ത് നടക്കുന്ന എസ്.എം.എഫ് ദേശീയ കോണ്‍ഫറന്‍സിന്റെ ജില്ലയിലെ രജിസ്‌ട്രേഷന്‍ ആരംഭിച്ചു.
മുഴുവന്‍ മഹല്ലുകളില്‍ നിന്നും പ്രസിഡന്റ്, സെക്രട്ടറി, ട്രഷറര്‍, ഖത്തീബ് എന്നിവരാണ് പങ്കെടുക്കുക. കമ്പളക്കാട് പള്ളിമുക്കില്‍ നടന്ന ചടങ്ങില്‍ രജിസ്‌ട്രേഷന്റെ ജില്ലാതല ഉദ്ഘാടനം കമ്പളക്കാട് ഇസ്സത്തുല്‍ ഇസ്‌ലാം സംഘം മഹല്ല് വൈസ് പ്രസിഡന്റ് വി കുഞ്ഞബ്ദുല്ല ഹാജിക്ക് ഫോറം നല്‍കി സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നിര്‍വഹിച്ചു.
ജില്ലാ സെക്രട്ടറി പി.സി ഇബ്‌റാഹിം ഹാജി അധ്യക്ഷനായി. എം.എം ഇമ്പിച്ചിക്കോയ മുസ്‌ലിയാര്‍, പി ഇബ്രാഹിം ദാരിമി, ചളിക്കണ്ടി നാസിര്‍ ഹാജി, ആനമങ്ങാട് അബൂബക്കര്‍ മുസ്‌ലിയാര്‍, അലി ദാരിമി, ഹുദൈഫ ദാരിമി എന്നിവര്‍ സംബന്ധിച്ചു. സെക്രട്ടറി ഹാരിസ് ബാഖവി സ്വാഗതവും മേഖലാ പ്രസിഡന്റ് വി.കെ സഈദ് ഫൈസി നന്ദിയും പറഞ്ഞു.