കോഴിക്കോട്: വെസ്റ്റ് മാങ്കാവില്‍ സ്ലാബിടാത്ത ഓടയില്‍ വീണു മരിച്ച പന്തീരാങ്കാവ് സ്വദേശി മനക്കുളങ്ങര ശശീന്ദ്രന്റെ കുടുംബത്തിനു മുഖ്യമന്ത്രിയുടെ ദുരിതാശ്വാസ നിധിയില്‍ നിന്നു ധനസഹായം അനുവദിക്കണമെന്ന് എം.കെ രാഘവന്‍ എം.പി മുഖ്യമന്ത്രിക്ക് അയച്ച കത്തില്‍ ആവശ്യപ്പെട്ടു. നേരത്തെ ഇതു പോലുള്ള സംഭവം ഉണ്ടായപ്പോള്‍ മരിച്ചയാളുടെ കുടുംബത്തിനു സര്‍ക്കാര്‍ അഞ്ചുലക്ഷം രൂപ ധനസഹായമായി നല്‍കിയിരുന്നു. ഇതുപോലെ, ശശീന്ദ്രന്റെ കുടുംബത്തിന്റെ സ്ഥിതി പരിഗണിച്ചു മുഖ്യമന്ത്രിയുടെ ദുരിതാശ്വാസ നിധിയില്‍ നിന്നു സഹായം നല്‍കണമെന്നാണ് എം.പി ആവശ്യപ്പെട്ടത്.