വര്‍ഗാസ്: ഇന്ത്യന്‍ താരം നീരജ് ഗോയറ്റിന് ഒളിംപിക് യോഗ്യതയില്ല. വെനസ്വലയിലെ വര്‍ഗാസില്‍ നടക്കുന്ന അന്താരാഷ്ട്ര ബോക്‌സിങ് അസോസിയേഷന്‍ ഒളിംപിക് യോഗ്യതാ ടൂര്‍ണമെന്റിന്റെ മൂന്നാം സ്ഥാനത്തിനായുള്ള പോരാട്ടത്തില്‍ നീരജ് സ്‌പെയിനിന്റെ സിസോക്കോ എന്‍ദിയായെ യൂബയോട് പരാജയപ്പെട്ടതോടെയാണ് യോഗ്യത നേടാനാവാതെ പോയത്. സ്‌കോര്‍ 0-3.
കഴിഞ്ഞ ദിവസം നടന്ന സെമി ഫൈനലില്‍ ജര്‍മന്‍ താരം അരാജിക് മരുത്ജാനോടാണ് നീരജ് പരാജയപ്പെട്ടത്. മൂന്നാം സ്ഥാനക്കാരുടെ പോരാട്ടത്തില്‍ ജയിച്ചാല്‍ താരത്തിന് യോഗ്യത സ്വന്തമാക്കാമായിരുന്നു. 69 കിലോ വിഭാഗത്തില്‍ മത്സരിച്ച നീരജിനു ഒരു ഘട്ടത്തിലും മികവിലേക്കുയരാനായില്ല. നീരജ് പുറത്തായതോടെ ബോക്‌സിങിലെ ഇന്ത്യന്‍ പ്രതീക്ഷകളും അസത്മിച്ചു.