എടപ്പാള്‍: രൂക്ഷമായ  കുടിവെള്ള ക്ഷാമത്തിന് പരിഹാരമാവാത്തതിനെ തുടര്‍ന്ന് കുടിവെള്ളം വിതരണം ചെയ്ത് പഞ്ചായത്ത്  സ്റ്റാന്‍ഡിങ് കമ്മിറ്റി ചെയര്‍മാന്‍. കാലടി പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍  മുഹമ്മദലി മാങ്ങാട്ടൂരാണ് കുടിവെള്ള വിതരണം നടത്തിയത്.
കഴിഞ്ഞ പതിനഞ്ച് ദിവസമായി രൂക്ഷമായ  കുടിവെള്ള ക്ഷാമം കൊണ്ട് വലയുന്ന കാലടി പഞ്ചായത്തിലെ മൂന്ന് വാര്‍ഡുകളിലുള്ളവര്‍ക്കാണ്  കുടിവെള്ളമെത്തിച്ചത്. കുടിവെള്ള ക്ഷാമത്തിന് പരിഹാരം കാണാന്‍ നിരന്തരമായി പഞ്ചായത്തില്‍  ആവശ്യപ്പെട്ടിട്ടും പരിഹാരം കാണാതായപ്പോഴാണ് സ്വന്തമായി പ്രശ്‌ന പരിഹാരത്തിന് അദേഹം  നേതൃത്വം കൊടുത്തത്.