തേഞ്ഞിപ്പലം: കാലിക്കറ്റ് സര്‍വകലാശാലയിലെ അഫിലിയേറ്റഡ് കോളജുകളിലെ അധ്യാപകരുടെയും അടിസ്ഥാന സൗകര്യങ്ങളുടെയും കോഴ്‌സുകളുടെയും വിവരങ്ങള്‍ അറിയുന്നതിന് തയാറാക്കിയ കേന്ദ്രീകൃത കോളജ് പോര്‍ട്ടല്‍ മന്ത്രി ഡോ.കെ.ടി ജലീല്‍ ഉദ്ഘാടനം ചെയ്തു.

കോളജുകള്‍ അവരുമായി ബന്ധപ്പെട്ട വിവരങ്ങള്‍ പോര്‍ട്ടലുകളില്‍ അപ്‌ലോഡ് ചെയ്യണം. വിദ്യാര്‍ഥികള്‍ക്കും രക്ഷിതാക്കള്‍ക്കും കോളജുകളും കോഴ്‌സുകളും തെരഞ്ഞെടുക്കുന്നതിന് ഇത് സഹായിക്കും. സര്‍വകലാശാലാ പരീക്ഷകളുടെ കേന്ദ്രീകൃത മൂല്യനിര്‍ണയ ക്യാംപുകള്‍ പ്ലാന്‍ ചെയ്യുന്നതിനും പോര്‍ട്ടല്‍ പ്രയോജനം ചെയ്യുമെന്ന് കാലിക്കറ്റ് സര്‍വകലാശാലാ കംപ്യൂട്ടര്‍ സയന്‍സ് മേധാവി ഡോ.വി.എല്‍ ലജീഷ് പറഞ്ഞു.