കൊടുവള്ളി: ദേശീയ പാത 212ല്‍  മൂന്ന് സ്ഥലങ്ങളില്‍ വാഹനാപകടം. കഴിഞ്ഞ ദിവസം വാവാട് അങ്ങാടിയില്‍ ബസ് സ്റ്റോപ്പിന് സമീപം വൈകീട്ട് ആറ് മണിയോടെ ഗുഡ്‌സ് ഓട്ടോയില്‍ കാറിടിച്ചുണ്ട@ായ അപകടത്തില്‍  ഓട്ടോ ഡ്രൈവര്‍ അബൂബക്കറിന്  പരുക്കേറ്റിരുന്നു.പരുക്കേറ്റയാളെ  കൊടുവള്ളിയിലെ ആശുപത്രിയിലെത്തിച്ച് തിരിച്ച് വരുന്നതിനിടെ മണ്ണില്‍ കടവില്‍ വച്ചാണ് രണ്ട@ാമത്തെ അപകടമുണ്ട@ായത്.
വാവാട് സ്വദേശി മഹമൂദിന്റെ കാറില്‍ നിയന്ത്രണം വിട്ട് എതിരെ വന്ന മറ്റൊരു കാര്‍ ഇടിക്കുകയും സമീപത്തെ കടയുടെ ഗ്ലാസിലിടിച്ച് നില്‍ക്കുകയുമായിരുന്നു. അപകടത്തില്‍ കാറുകള്‍ തകരുകയും കടക്ക് കേടുപാടുകള്‍ സംഭവിക്കുകയും ചെയ്തു. ഇന്നലെ പുലര്‍ച്ചെ ദേശിയ പാതയില്‍ നെല്ലാംങ്കണ്ടി അങ്ങാടിക്ക് സമീപം നിയന്ത്രണം വിട്ട ഗുഡ്‌സ് ജീപ്പ് സമീപത്തെ ഓവ് ചാലിലേക്ക് മറിഞ്ഞ് അപകടമുണ്ട@ായി. ആരുടെയും പരുക്ക് ഗുരുതരമല്ല.