ഓക്ക്‌ലന്‍ഡ്: ന്യൂസിലന്‍ഡില്‍ പല്ലിലെ അഴുക്ക് നീക്കുന്നതിനിടെ സ്ത്രീയുടെ കവിള്‍ എയര്‍ഫ്‌ലോ പോളിഷര്‍ ഉപയോഗിച്ച് തുളച്ച് ഇന്ത്യന്‍ വംശജനായ ഡോക്ടര്‍. ചികിത്സയ്ക്ക് മുന്‍പ് രോഗിയില്‍ നിന്ന് ആവശ്യമായ സമ്മത പത്രം വാങ്ങിയതുമില്ല. ഇതടക്കം നിരവധി ഗുരുതര ആരോപണങ്ങളാണ് ഇന്ത്യന്‍ വംശജനായ ദന്ത ഡോക്ടര്‍ ഭരത് രാജാ സുബ്രമണി എന്ന ബാരി നേരിടേണ്ടിവന്നത്. ഒക്ടോബര്‍ 2017നും ഒക്ടോബര്‍ 2018നും ഇടയിലായി 11 രോഗികളുടെ ചികിത്സയുമായി ബന്ധപ്പെട്ട് 39 കുറ്റങ്ങളാണ് ന്യൂസിലന്‍ഡില്‍ ഇന്ത്യന്‍ വംശജനായ ഡോക്ടര്‍ക്കെതിരെ ആരോപിക്കപ്പെട്ടിട്ടുള്ളത്.

ഡോക്ടര്‍ക്കെതിരെ തെളിവുകള്‍ സഹിതം കുറ്റങ്ങള്‍ ബോധ്യപ്പെട്ടതായി ഹെല്‍ത്ത് ആന്‍ഡ് ഡിസബിലിറ്റി കമ്മീഷണര്‍ കഴിഞ്ഞ ദിവസം വിശദമാക്കിയിരുന്നു. 2023ല്‍ ട്രൈബ്യൂണല്‍ 12,839,305 രൂപ പിഴയും മൂന്ന് വര്‍ഷത്തേക്ക് ഭരത് രാജാ സുബ്രമണിയുടെ രജിസ്‌ട്രേഷന്‍ റദ്ദാക്കുകയും ചെയ്തു. അമിതമായി പണം വാങ്ങിയെന്നും അനാവശ്യമായി ചികിത്സ നല്‍കിയെന്നതും അടക്കമുള്ള കുറ്റങ്ങളാണ് നിലവില്‍ ഭരത് രാജാ സുബ്രമണിക്കെതിരെ തെളിഞ്ഞിരിക്കുന്നത്.

ALSO READ: ചരിത്ര തീരുമാനം: സുപ്രിംകോടതിയിലെ നേരിട്ടുള്ള നിയമനങ്ങളിലും സ്ഥാനക്കയറ്റത്തിലും പട്ടികജാതി, വര്‍ഗക്കാര്‍ക്ക് സംവരണം

പല്ല് വൃത്തിയാക്കാനെത്തിയ സ്ത്രീയുടെ കവിള്‍ ഭരത് രാജാ സുബ്രമണി എയര്‍ഫ്‌ലോ പോളിഷര്‍ ഉപയോഗിച്ച് തുളച്ചതായാണ് തിങ്കളാഴ്ച പുറത്തുവന്ന പ്രസ്താവനയില്‍ ഡെപ്യൂട്ടി ഹെല്‍ത്ത് ആന്‍ഡ് ഡിസബിലിറ്റി കമ്മീഷണര്‍ വനീസ് കാള്‍ഡ്വെല്‍ വിശദമാക്കിയിരിക്കുന്നത്. 

മൂന്ന് രോഗികള്‍ക്ക് കൂടി നല്‍കിയ ദന്തല്‍ സേവനങ്ങളില്‍ സുബ്രമണി ഹെല്‍ത്ത് ആന്‍ഡ് ഡിസബിലിറ്റി സര്‍വീസസ് കണ്‍സ്യൂമേഴ്‌സ് കോഡ് ലംഘിച്ചതായും ഡപ്യൂട്ടി ഹെല്‍ത്ത് ആന്‍ഡ് ഡിസബിലിറ്റി കമ്മീഷണര്‍ കണ്ടെത്തിയിട്ടുണ്ട്. മൂന്ന് രോഗികള്‍ക്കും ഭരത് രാജാ സുബ്രമണി ഔപചാരികമായി ക്ഷമാപണം എഴുതി നല്‍കണമെന്നും ഹെല്‍ത്ത് ആന്‍ഡ് ഡിസബിലിറ്റി കമ്മീഷണര്‍ നിര്‍ദേശിച്ചു.

In Auckland, New Zealand, Indian-origin dentist Dr. Bharath Raja Subramani, also known as Dr. Barry, is facing 39 charges related to misconduct involving 11 patients between October 2017 and October 2018. One of the most alarming incidents involved a woman whose cheek was punctured using an airflow polisher during a dental cleaning procedure. It was revealed that no proper consent was taken from the patient prior to the treatment.