ന്യൂഡൽഹി: സ്ത്രീധന പീഡനത്തെ തുടർന്ന് വിസ്മയ ജീവനൊടുക്കിയ കേസിൽ ഭർത്താവ് കിരൺ കുമാറിന് ജാമ്യം അനുവദിച്ച് സുപ്രിം കോടതി. കേസിൽ ശിക്ഷാവിധി മരവിപ്പിച്ചാണ് ജാമ്യം അനുവദിച്ചത്. നിലമേൽ സ്വദേശിയായ വിസ്മയയുടെ മരണത്തിൽ കൊല്ലം അഡീഷണൽ സെഷൻസ് കോടതിയാണ് വിധി പറഞ്ഞിരുന്നത്. എന്നാൽ ശിക്ഷാവിധി മരവിപ്പിക്കണമെന്ന് കാണിച്ച് കിരൺ കുമാർ കേരള ഹൈക്കോടതിയിൽ നൽകിയ അപ്പീലിൽ ഇതുവരെ തീരുമാനമുണ്ടായിട്ടില്ല. ഈ സാഹചര്യത്തിലാണ് സുപ്രിം കോടതി ജാമ്യം അനുവദിച്ചത്.

ആത്മഹത്യാ പ്രേരണാകുറ്റം നിലനിൽക്കില്ലെന്നും അതിനാൽ ശിക്ഷാവിധി മരവിപ്പിക്കണമെന്നും ആവശ്യപ്പെട്ടാണ് കിരൺ കുമാർ ഹൈക്കോടതിയെ സമീപിച്ചത്. ഇതിൽ തീരുമാനമെടുക്കുന്നത് വരെ അഡീഷണൽ സെഷൻസ് കോടതിയുടെ ശിക്ഷാവിധി മരവിപ്പിച്ച് ജാമ്യം അനുവദിക്കണമെന്ന് ആവശ്യപ്പെട്ടാണ് കിരൺ കുമാർ സുപ്രിം കോടതിയെ സമീപിച്ചത്. ഇത് അനുവദിച്ച് കൊണ്ടാണ് സുപ്രിം കോടതി കിരൺ കുമാറിന് ജാമ്യം നൽകിയത്.

തനിക്കെതിരായ ശിക്ഷ മരവിപ്പിക്കണം, ജാമ്യം നൽകണം തുടങ്ങിയവയാണ് കിരൺകുമാറിന്റെ ഹരജിയിലെ ആവശ്യം. ഇതേ ആവശ്യം തന്നെയാണ് ഹൈക്കോടതിയിലും ഉന്നയിച്ചിട്ടുള്ളത്. എന്നാൽ, ഹൈക്കോടതിയിൽ അപ്പീൽ നൽകി രണ്ടുവർഷമായിട്ടും തീരുമാനമാകാത്തതിനാലാണ് കിരൺ സുപ്രിം കോടതിയെ സമീപിച്ചത്.

ALSO READ: വിമാനം റദ്ദാക്കി, ഒരു കുടുംബത്തിന്റെ യാത്ര പലദിവസങ്ങളിലാക്കി റീ ഷെഡ്യൂൾ ചെയ്തു, അമേരിക്കയിൽ ലഗ്ഗേജ് ഇല്ലാതെ ഒറ്റപ്പെട്ട് വയോധിക, എയർ ഇന്ത്യ സമ്മാനിച്ചത് ദുരിത യാത്ര

2021 ജൂൺ 21നാണ് കൊല്ലം പോരുവഴിയിൽ ഭർത്താവ് കിരൺ കുമാറിന്റെ വീട്ടിൽ വിസ്മയയെ മരിച്ച നിലയിൽ കണ്ടെത്തിയത്. സ്ത്രീധനമായി നൽകിയ കാർ മതിയാകാതെ വന്നതും കൂടുതൽ സ്വർണം ആവശ്യപ്പെട്ടും വിസ്മയയെ ശാരീരികമായും മാനസികമായും പീഡിപ്പിച്ചു എന്നാണ് കേസ്. 4 മാസം നീണ്ട വിചാരണയ്ക്കു ശേഷം കൊല്ലം ജില്ലാ സെഷൻസ് കോടതി കിരൺ കുമാർ കുറ്റക്കാരനെന്നു കണ്ടെത്തി വിധി പറഞ്ഞു. ത്തുവർഷത്തെ തടവും 12.55 ലക്ഷം രൂപ പിഴയുമാണ് കോടതി വിധിച്ചത്.

The Supreme Court has granted bail to Kiran Kumar, the husband convicted in the Vismaya dowry harassment case. The bail was granted by suspending the sentence awarded earlier. Vismaya, a native of Nilamel, had died by suicide due to alleged dowry-related harassment, and the Kollam Additional Sessions Court had delivered the conviction. However, the Kerala High Court is yet to decide on Kiran Kumar’s appeal seeking suspension of the sentence. In this context, the Supreme Court stepped in and approved the bail.