കൊല്ലം: എസ്.എഫ്.ഐ സംസ്ഥാന സമ്മേളനം രക്തസാക്ഷികളുടെ ഉറ്റവരെ ആദരിച്ചു. മന്ത്രി ജി.സുധാകരന്‍ സംഗമം ഉദ്ഘാടനം ചെയ്തു. രക്തസാക്ഷികളുടെ മാതാപിതാക്കളും സഹോദരങ്ങളും ഉള്‍പ്പെടെ സംഗമത്തില്‍ പങ്കെടുത്തു. രക്തസാക്ഷികളുടെ ബന്ധുക്കളെ മന്ത്രി ജി.സുധാകരന്‍ ആദരിച്ചു. 

സമ്മേളനത്തിന്റെ ഭാഗമായി സംഘടിപ്പിച്ച പൂര്‍വകാല നേതൃസംഗമവേദിയില്‍ സജ്ജമാക്കിയ മൂന്ന് ചിരാതുകളില്‍ മുന്‍കാല നേതാക്കളും പുതുതലമുറ നേതാക്കളും ഉള്‍പ്പെടെ ദീപം തെളിച്ചതോടെയാണ് ചടങ്ങിന് തുടക്കമായത്. തുടര്‍ന്ന് കലാലയ രാഷ്ട്രീയ അനുഭവങ്ങള്‍ ഓരോരുത്തരും പങ്കുവച്ചു. 1987 മുതല്‍ 2015 വരെ സംഘടനയുടെ നേതൃത്വത്തിലുണ്ടായിരുന്നവര്‍ സംഗമത്തില്‍ പങ്കെടുത്തു. ചടങ്ങില്‍ സംസ്ഥാന പ്രസിഡന്റ് ജെയ്ക് സി. തോമസ് അധ്യക്ഷനായി.