മലപ്പുറം: കേരള മുസ്‌ലിംകളുടെ ആത്മീയ നേതാവും സമസ്ത ഉപാധ്യക്ഷനുമായിരുന്ന സയ്യിദ് ഉമറലി ശിഹാബ് തങ്ങളുടെ ഉറൂസ് ദിനത്തില്‍ ധന്യമായി 'ഉസ്‌വ' സമൂഹ വിവാഹ സദസ്. എസ്.വൈ.എസ് മലപ്പുറം ജില്ലാ കമ്മിറ്റിയാണ് പ്രിയ നായകന്റെ വഫാത്ത് ദിനത്തില്‍ സംഘടനാ പ്രവര്‍ത്തകരായ നിര്‍ധന കുടുംബങ്ങളുടെ വിവാഹ ചടങ്ങുകള്‍ക്ക് ഉമറലി ശിഹാബ് തങ്ങള്‍ വെഡിങ് എയ്ഡി ( ഉസ്‌വ) ന്റെ ആഭിമുഖ്യത്തില്‍ വേദിയൊരുക്കിയത്.
സയ്യിദുമാരുടെയും പണ്ഡിതന്‍മാരുടെയും ധന്യസാന്നിധ്യത്തില്‍ തങ്ങളുടെ സ്മരണ നിറഞ്ഞ സദസിലായിരുന്നു ഇന്നലെ പാണക്കാട് ജുമാമസ്ജിദില്‍ വിവാഹ ചടങ്ങുകള്‍ നടന്നത്. തെരഞ്ഞെടുക്കപ്പെട്ട കുടുംബങ്ങളിലെ വധുവിന് 10 പവന്‍ വീതം സ്വര്‍ണാഭരണവും സമ്മാനമായി നല്‍കി.
രാവിലെ ഉമറലി തങ്ങളുടെ പുത്രന്‍ സയ്യിദ് ഹമീദലി ശിഹാബ് തങ്ങളുടെ വസതിയില്‍ വച്ച് മൗലിദ് പാരായണവും പാണക്കാട് സാദാത്തുക്കളുടെ മഖ്ബറ സിയാറത്തും നടന്നു. നികാഹിന് പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് സ്വാദിഖലി ശിഹാബ് തങ്ങള്‍, സയ്യിദ് അബ്ബാസലി ശിഹാബ് തങ്ങള്‍, സയ്യിദ് റശീദലി ശിഹാബ് തങ്ങള്‍, സയ്യിദ് ബശീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍ കാര്‍മികത്വം വഹിച്ചു.

സിയാറത്തിനും പ്രാര്‍ഥനക്കും സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ നേതൃത്വം നല്‍കി. എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, പി.കെ കുഞ്ഞാലിക്കുട്ടി എം.പി, സയ്യിദ് കെ.കെ.എസ് തങ്ങള്‍ വെട്ടിച്ചിറ, സയ്യിദ് ബി.എസ്.കെ തങ്ങള്‍, പി. ഉബൈദുല്ല എം.എല്‍.എ, ടി.വി ഇബ്‌റാഹീം എം.എല്‍.എ, പി. അബ്ദുല്‍ ഹമീദ് എം.എല്‍.എ, കെ.എ റഹ്മാന്‍ ഫൈസി,അബ്ദുസമദ് പൂക്കോട്ടൂര്‍, കാടാമ്പുഴ മൂസ ഹാജി, യു. ശാഫി ഹാജി, കാളാവ് സൈതലവി മുസ്‌ലിയാര്‍, അബ്ദുല്‍ ഖാദിര്‍ ഫൈസി കുന്നുംപുറം, പി.വി മുഹമ്മദ് മൗലവി എടപ്പാള്‍, സി.എച്ച് ത്വയ്യിബ് ഫൈസി, സി. അബ്ദുല്ല മൗലവി, ഷാഹുല്‍ ഹമീദ് മേല്‍മുറി, സലീം എടക്കര, ഹസന്‍ സഖാഫി പൂക്കോട്ടൂര്‍, ശാഫി മാസ്റ്റര്‍ ആലത്തിയൂര്‍, ഹംസ റഹ്മാനി കൊണ്ടിപറമ്പ്, സി.എം കുട്ടി സഖാഫി വെള്ളേരി, ആനമങ്ങാട് മുഹമ്മദ് കുട്ടി ഫൈസി, കെ.എം കുട്ടി എടക്കുളം, സി.കെ ഹിദായത്തുല്ലാഹ്, എം.പി.എം ഇസ്ഹാഖ് കുരിക്കള്‍, ഓമാനൂര്‍ അബ്ദുറഹ്മാന്‍ മൗലവി, നിര്‍മാണ്‍ മുഹമ്മദലി, സൈനുദ്ദീന്‍ പാലോളി, സി.ടി മുഹമ്മദ്, അബ്ദുറസാഖ് കൊളക്കാട്, ശറഫുദ്ദീന്‍ ഹാജി ചേളാരി, ഫാഇദ ഇസ്മാഈല്‍ ഹാജി കാച്ചിനിക്കാട്, മുഹമ്മദലി ഹാജി ആനമങ്ങാട്, അബ്ദുല്‍ കരീം ബാഖവി പൊന്മള, ഒ.പി കുഞ്ഞാപ്പു ഹാജി, കെ.വി ബാവ, സലാം വടശ്ശേരി, സുലൈമാന്‍ ഹാജി പുല്ലൂര്‍, സലാം വേങ്ങര, ഹാജി പി.കെ മുഹമ്മദ്, കുന്നത്ത് മൂസ ഫൈസി തിരൂര്‍ക്കാട്, എ.ടി നാസര്‍ പാണ്ടിക്കാട്, അബ്ദുല്‍ ഖാദര്‍ ഒറവംപുറം, അബൂബക്കര്‍ ഫൈസി തിരൂര്‍ക്കാട്, ഹസന്‍ ഫൈസി കാച്ചിനിക്കാട് സംബന്ധിച്ചു. ളിയാഉദ്ദീന്‍ ഫൈസി മേല്‍മുറി ഖുത്വുബ നിര്‍വഹിച്ചു.