കോഴിക്കോട്: ആരോഗ്യ മന്ത്രി കെ.കെ ശൈലജ എഴുതിയ 'പ്രതിരോധത്തിന്റെ ദിനങ്ങള്‍ പാഠങ്ങള്‍' എന്ന പുസ്തകത്തിന്റെ പ്രകാശനം ഇന്ന് രാവിലെ 11ന് കെ.പി കേശവമേനോന്‍ ഹാളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും.
പ്രമുഖ സാഹിത്യകാരന്‍ ടി. പത്മനാഭന്‍ ചടങ്ങില്‍ പങ്കെടുക്കും. മാതൃഭൂമി ബുക്‌സ് പുറത്തിറക്കുന്ന പുസ്തകത്തിന്റെ അവതാരിക എഴുതിയിരിക്കുന്നത് മുഖ്യമന്ത്രിയാണ്.
11 അധ്യായങ്ങളുള്ള പുസ്തകത്തില്‍ നിപാ വൈറസ് ബാധ മുതല്‍ വൈറസിനെ തുരത്തിയതു വരെയുള്ള കാര്യങ്ങള്‍ ഉള്‍പ്പെടുത്തിയിട്ടുണ്ട്.