അപകടങ്ങള്‍ സംഭവിക്കുന്നത് ഏതു നിമിഷമാണെന്നു പറയാനാവില്ല, തീരെ അപ്രതീക്ഷിതമായായിരിക്കും ചില അപകടങ്ങള്‍. അത്തരത്തിലൊരു അപകടത്തിന്റെയും രക്ഷപ്പെടുത്തലിന്റെയും വീഡിയോ ആണ് ഇവിടെ.

സിഡ്‌നിയില്‍ നിന്നുള്ളതാണ് വീഡിയോ. റെയില്‍വേ സ്‌റ്റേഷനില്‍ നിര്‍ത്തിയിട്ടിരിക്കുന്ന ട്രെയിനില്‍ കയറാനെത്തുന്ന ദമ്പതികളുടെ കൂടെയുള്ള രണ്ടു കുട്ടികളില്‍ ചെറുത് പ്ലാറ്റ്‌ഫോമിന്റെ ഇടയിലേക്ക് വീണു. ട്രെയിന്‍ പോവാന്‍ നിമിഷങ്ങള്‍ മാത്രം ബാക്കി നില്‍ക്കേയയാണ് ഈ അപകടമുണ്ടായത്. ഉടനെ ദമ്പതികള്‍ ശബ്ദമുണ്ടാക്കുകയും ട്രെയിന്‍ മുന്നോട്ടെടുക്കരുതെന്ന് ആവശ്യപ്പെടുകയും ചെയ്യുകയായിരുന്നു.

പിന്നീട് കുട്ടിയെ അവര്‍ തന്നെ ട്രെയിനിന്റെ അടിയില്‍ നിന്ന് വലിച്ചെടുക്കുന്നതും വീഡിയോയില്‍ കാണാം. യാത്രക്കാര്‍ക്കുള്ള മുന്നറിയിപ്പെന്ന നിലയ്ക്കാണ് ഇപ്പോള്‍ ഈ വിഡിയോ പുറത്തുവിട്ടിരിക്കുന്നത്.