തിരുവനന്തപുരം: അന്താരാഷ്ട്ര വനിതാ ദിനത്തില്‍ തിരുവനന്തപുരം വിമാനത്താവളത്തില്‍ വനിതാ പൈലറ്റിനെ ടാക്‌സി ഡ്രൈവര്‍ അപമാനിച്ചു. ദില്ലി സ്വദേശിയായ എയര്‍ ഇന്ത്യയുടെ വനിതാ പൈലറ്റിനാണ് ദുരനുഭവം നേരിടേണ്ടി വന്നത്.

വെള്ളി രാത്രി  11.15 നാണ് ജോലികഴിഞ്ഞു ഹോട്ടലിലേക്ക് പോവാനായി വാഹനം കാത്തുനില്‍ക്കുന്നതിനിടെ ഒരു ടാക്‌സി ഡ്രൈവര്‍ അടിത്തെത്തി അശ്ലീല പരാമര്‍ശം നടത്തിയത്. ഉടന്‍ തന്നെ സംഭവം എയര്‍പോര്‍ട്ട് അതോറിറ്റിയെ അറിയിച്ചെങ്കിലും അപ്പോഴേക്കും ടാക്‌സി ഡ്രൈവര്‍ കടന്നുകളഞ്ഞിരുന്നു.ടാക്‌സി ഡ്രൈവര്‍ക്കെതിരെ പൊലിസ് കേസെടുത്ത് അന്വേഷണമാരംഭിച്ചു.